COVID 19 HMACHHAWN DAN

Population aṭanga chhutin natna hrik kai tam ber Manipur dawttu kan ni a, dam chak zawngah dam la awm lohna Arunachal Pradesh dawttu ka ni leh a. 

Local task force thawh rimzia, Kohhran, NGO leh mimal tlawmngaite inpekzia leh thawh rimzia te ka ngaihtuahin kan strategy (hmalak dan) hi a dik tawk lo em ni ka ti. 

Hengte hi i ngiahtuah teh ang

1. Mizoram pawn aṭangin ni sarih (7 days) chhungin mi sing khat dawn lai kan hruai lut mai kha a fuh lo deuh niin a lang.

2. State dang aṭang lo lutte rail a an lo hawn dan kha an in ekbeng niawmin a lang a, khatah khan an in kai darh hman em ni? 

3. Quarantine kan kal pui danah centre pakhat aṭang mi 35 lai an positive mai te kha min barakhaih deuh a, a ṭha tawk lo em ni?

4. Kan ngaih pawimawh hmasak zawng (priority) leh rilru kan pekna tak tak (focus) hi a fuh lo deuh em ni? 

5. Covid 19 vei leh vei lo test danah hian Rapid Antibody Test Kits (RAT) kan ring a, Reverse transcription polymerase chain reaction (RT-PCR) kan hmang tlai lutuk deuh a ni lo'm ni? Hei hian Covid 19 hmachhawn turin ṭan kan la tlai deuh a ni tih a tilang a ni. 

6. Political game/ popularity game kan play rei deuh em ni? 

7. Tih tak zeta kan ngaihtuah a, kan kal zel dan tur kan ruahman ṭhat loh chuan HIV-in min run aia nasa zawkin, Covid-19 hian min run ang tih a hlawhawm takzet a ni. 

8. Kan ram economy pawh hi nasa takin a thlachhe mai ang tih a hluahawm ta. Tunah hian North East India-ah, Skim tih loah chuan sum leh pai dehchhuhna kawng (GDP) ah ṭhang chak ber niin kan GSDP pawh Rs 150,000 chuang a ni ve a, mahse tuna crisis kan tawn mek hi kan hmachhawn thiam loh chuan a mawngphah kan awm thei a ni. 

Eng pawh nise, Zion fanu ṭap suh, hlim takin au chhuak rawh. Huai takin, zam lovin, “Hei raw”, kan ram tan” tiin i ṭang zel teh ang. Sawrkar hnathawkten an thawh dawn, a lawmawm e. Kohhran, Corporate, NGO a thawkte leh sumdawng hausate pawh i ṭang leh deuh teh ang u. 

Engzat per cent emaw ṭheuh tal chu i   hhawh teh ang. Mizoram hi ka ram a ni a, Mizoram damna hi ka damna a ni.