Politics
Mizoram politics atana thil pawimawh bik nia ka hriatte ka han sawi ve teh ang.
Politics lung phum - 1. Ram a him tur a ni 2. Hnam a him tur a ni. 3. Sakhua a him tur a ni. 4. Ram hmasawnna atan power.
Ram a him tur a ni: Ram a him loh chuan chenna ram a zim tawlh tawlh ang a, mihring kan pung zel si ang a, kan la buai dawn. Cachar pawh a him ta lo a, khung te khu ti him turin kan politician-te an ṭan a ngai. Chakma lamah 1970 hma lamah Chakmate khu Mizoram mikhual an ni a, UT kan nih aṭanga Chakma Autonomous District Council lo ni ta ringawt te khu kan ram him lohzia tilangtu a ni. Ṭhangtharte tan kan ram hi a him ta lo e.
Hnam a him tur a ni: Kan ramah inthahna a tam ta lutuk. Nupui pasal fa neih thu-ah kan him lo a, party politics thu-ah pawh kan hnam a him lo. Party ngaihdan a nih loh chuan party dang tihchhiat duhna avanga tharum hial thawh duhna rilru kan ramah a awm ṭan ta.
Pathian thu chuan ram leh ram an indo chuan an ding chhuak lo ang a ti. Kristianna rilru nen politics i khel ang u.
Mahni inhai vur tumna politics ṭha loin kan ram a ei chhe mek a, chu chuan sum duhnaah min hruai a, sorkar siamtu kan bawh ruih ruih a, hei hian kan rilru a ei chhia a ni.
Hetiang ram politics dik lo aṭang hian kan insiam ṭhat a ṭul ta hle a ni.
Sakhua a him tur a ni: India hian sakhaw hum himna turin kawng hrang hrangin hma a la a, amaherawhchu mi ṭhenkhatin tharum nen hma an la deuh nia ngaih theiha a awm hi a ṭha lo hle a ni. Chuvangin, Mizoram chu Isua Krista zuitu kan nih angin kan politics rilru pawh hi Kristianna hum him tur zawnga fing taka hma lak thiam a ṭul. Chuti lo chu kan ram leh hnam, kan sakhua a him lo ang.
Power: Electrict power hi ram politics hmasawnna atan hnuk pui ber pakhat a ni hial awm e. Zanah ni se chhun eng ang maia nuam taka khawsak theihna a ni a, hmasawnna rahbi pawimawh ber zinga mi a ni. Power lama hma chak taka la thei tur ram hruaitu kan mamawh a ni.
State dang chawm kan nih reng a, power kan neih ṭhat loh chuan khawl changkang pui pui pawh nei mah ila hmasawnna hna lian tham kan thawk thei ngai lo ang. Chuvangin, party politics khel loin ram tan politics i khel tawh ang u.
- Chhanpiala (80), Hnahthial Electric Veng