Silhawk to Dubai...

Kan Zoram chhuak, Sialhawk Lakhuihthei chu Dubai dawrpuiah an phochhuak ve ta ran mai. Thuthar lawmawm lutuk a ni. Chutih rualin kn harsatna tak tak sutkianna emaw tia lawma zuan tawr tawrna chi ala ni lo deuh.

Kan thlaitharte ram pawna thawnchhuah theihna kawnga hmalatu chu APEDA kan tih hi an ni a. Anni hian anmahni hnena in register firm, exporter hrang hrang an nei thluah a. Chunghote chu an lo pui ṭhin. APEDA hian direct-in an lain an zuar lo.

Chutiang ang chuan kan Sialsuk thei pawh kan Commerce dept-a officer fel tak Pu Ronald Rokhum hma laknain a enchhinna (trial consignment) an thawn ta chhin a ni. Kan la tawn ngai loh thil a nih avangin a lawmawm tak meuh a. Achievement ropui tak a ni. Hats off ka nau duhtak Ronald.

Chutih rual erawh chuan a nawlpuia kuthna­thawktute harsatna sukiang tur erawh a ni lo tih kan hriat a ṭha. APEDA ho hian hmingṭhat, thangṭhat lak hi an duh ve a. Consignment te reuhte an thawn pawhin national media lamah hian an pholang ta hluai ṭhin a. Lakhuih emaw Dragon Fruits emaw Lamkhuang emaw pawh nise pum 200-300 lek an export pawhin an publicise chiam ṭhin.

Dubai lama thawn luh hi vanneihthlak takin food safety lamah an duhtui over lova. Quality check hi an nei vak lo, a hralhtu-in a nihna chumi khami chu a ni e, tih an claim kha an pawm ve mai ni awm tak a ni. Europe leh USa lam erawh chuan organic a nih leh nih loh, a nutritional value an ennawn leh vek ṭhin.

Tun ṭuma kan lakhuih thei trial export pawh hi a lawmawm lutuk. Chhun­zawm zel a, market dang explore zel pawh kan officer fel tak takte hian an bei zui zel ang tih ring bawk ila. A ṭul phei chuan market survey ti tura Pu Ronald-a te ho an zin chhuah chur chur theih dan tur sorkarin ngaihtuahsak rawh se.

Kan thei tharchhuah ho reng rengah hian a grade ṭha ṭha, a hmel mawi leh nalh, pum lian ṭha ho kha fresh sale kan tum zel ang a. A grade ṭhalo, hmelmawilo, a chhung lam ṭha tho si erawh chu kan process zel ala ngai ang. Chuvang tak chuan tualchhung entrepreneur ten role pawimawh an play theih nan nasa taka hmalak a ngai tulh tulh dawn a ni. Step rem contract, luikawr kam rem contract therhlo te te tihtawp a hun kan tih fona chhan chu hei hi a ni. Pawisa a awm a nih rau rau chuan value addition tih theihna turin entrepreneur te hnen lamah sorkarin invest­ment ti thung rih teh se.

- Joseph L Ralte