Kawng chhiat chhan sorkar
Chief minister leh PWD enkawltu minister ni bawk khan an sorkar tirh lam khan khan Buichali leh Khamrang inkara National Highway chhe laite siamṭhat dan tur a enfiah a; Covid-19 vangin Mizorama kawngpuite chu a ṭhat tur anga a ṭhat theih lo a ti.
Covid 19 hian kawng tam takah min tibuai mek a, sorkar hnathawkten a hunah hlawh an lak theih loh phah fo a, CSS sum a buai phah nuai bawk a nih kha. Mizoram sorkarin CSS sum a lo pawh pen ṭeuh chu Central lamin pechhuak vat turin a rawn hriattir a, Mizoram sorkar sum bawm a ruak ta hial a nih hi.
Kawngpui chhia a tam leh ta a, CYMA hruaituten tun hnaia Mizorama kawngpui siam an tlawhnaah contractor ni lo kawngpui siam hna lo thawk ve an awm thu an sawi a, kawngpuiin a tlawh tur khaw mite pawhin thuneitute hnenah an thlena awmzia a neih loh thu an sawi bawk.
Duhsak zawngte hnena hna an pek fo avang hian kan kawngpui siamtute pawhin min zah lo a, lei vung paih danah te pawh harsatna tam tak kan tawk ta.
Kawngpui chhiat chhan hi sorkar lam chuan lung chang ṭha kan neih loh vangte leh ruah tui a tlak tam vangte a nih thu an sawi bawk ṭhin a. Kawngpui ṭhenkhatah chuan motor lian a tlan tam chu kawngpui tlo loh chhuanlamah an hmang fo a, a chhan tam tak a awm thei.
Thil pawi tak zawk chu chu hnathawktu tura thlan ni loin hna an thawh fo vang a ni a, contract hmututen an hralh chhawng fo a, in lei chhawn a tam em avangin Mizoram kawngpui a tlo lo a, a viltu tur engineer te an fail a, a kaikuang ber erawh chu sorkarin a tih tur a tih loh vang a ni ber zawk a ni.
In sawi fiahna tur zawn hmuh aia thil pawimawh zawk chu sorkar hian a tih tur tak ti ngam ṭhin se. Sorkar ber a dik phawt chuan a hnuaia hnathawktu engineer aṭanga tirhkah thleng hian dan an bawhchhe ngam lo ang a, kan kawngpui pawh a ṭha ve mai ang.
- Hmangaih Zuali