Economy: AUGUST 2022 THLA CHHUNGA INDIA GST CHHIAH KHAWN Rs 1,43, 613 CRORE A TLING -NIKUM AUGUST THLA NENA TEHIN MIZORAM GST KHAWN PUNNA A SANG BER
August thla chhunga India ramin Goods and service tax (GST) chhiah a khawn zat chu Rs 1,43,612 a tling tih vawiina Finance Ministry thu chhuah chuan a tarlang. Thla hmasa July thla chhunga khawn zat Rs 1,48,995 crore aiin Rs. 5,383 crore in a tlem zawk a ni. Nikum 2021 August thla chhunga khawn zat Rs.1,12,020 crore aiin Rs 31,592 crore niin a punna hi 28% a ni. GST hmanga chhiah khawn ṭan kum 2017 July hnua thla khat chhunga GST khawn tam ber chu kumin April thla khan Rs 1,67,540 crore a ni. Tun thla hi thla khat chhunga GST khawnkhawmin vawi ruk Rs. 1.40 lakh crore a khumna a ni.
August 2022 thla chhunga GST chhiah khawn khawm Rs 1,43,612 crore thliar sinna chu CGST Rs 24,710 crore, SGST Rs 30,951crore, IGST 77,782 crore ( heng zingah hian import of goods aṭanga hmuh Rs 42,067crore a tel) a, cess Rs 10,168 crore (import of goods aṭanga khawn will Rs 1,018 crore a tel).
Finance Ministry thu chhuahin a tarlan dan chuan IGST aṭanga sum hmuh chu Central leh State te chanpualah thliar hran nghal a ni a, CGST Rs 29,524 crore, SGST Rs 25,119 crore a ni. Hemi hnua Central leh state Sorkar te insem dan chu hetiang hi a ni.
(Rupees in crore)
Central Rs. 54,234
States Rs. 56,070
Nikum leh kumin chhunga India ram GST khawn dan hetiang hi a ni.
(Rupees in crore)
2021
April 1,39,708
May 97,821
June 92,800
July 1,16,393
Aug 1,12,020
Total 5,58,742
Average 111,680
2022
April 1,67,540
May 1,40,885
June 1,44,616
July 1,48,995
Aug 1,43,612
Total 7,45,848
Average 1,49,169
Growth 1,87, 196
Grawth rate 33.48%
NE state 8 te August 2021 leh August 2022 thla chhung GST khawn zat khaikhinna Finance Ministry in a tarchhuah dan hetiang hi a ni.
State 21 22
Aug Aug Punna
ASM 959 1,055 10%
SIK 219 247 13%
MEG 119 147 23%
TRI 56 56 0%
ARU 53 59 11%
MAN 45 35 –22%
NAG 32 38 18%
MIZ 16 28 78%
(Percentage calculated by the Finance Ministry)
August thla chhunga GST khawn tam zual state te :
(Rs in crore) :
Maharashtra 18,863
Karnataka 9,583
Gujarat 8,684
Tamil Nadu 8,386
U P 6,781
Haryana 6,772
W. Bengal 4,600
Delhi 4,349
Telengana 3,781
Rajasthan 3,341
Nikum August thla leh kumin August thla GST khawn khaikhin a hmasawn ber Mizoram a ni a, 78% in a pung a, thla hmasa a hmasawn ber Lakshadweep (-) 73% leh Manipur (-) 22% a hniam te chu an hnung tawlh nasa an ni.
HEI VE THUNG HI
1. India state & UT zingah August thla chhunga GST khawn pung tam ber Mizoram a ni a, hmasawnnna lawmawm tak a ni.
2. Hetiang hi ni mah se chhiah khawnkhawm zat, a tam lamah thung chuan kan hniam fal viau thung a, hei hi sum leh paia Mizoram dinhmun dik tak ni-ah kan ngai em?
3. State own tax/ revenue khawn tam tur hian engtia ṭan lak tur nge ni ang?
4. State dang te aia chhiah khawn theihna kan neih ṭhat loh avang hian theihtawp chhuaha sum ren bik tur kan ni tih hi kan inhre tawk em?
Source :
pib.gov.in
September 01, 2022
- Huna Kawlvawm