NLUP Media Cell

Mizoram sawrkar hnuiah hian ‘Chief’ dinhmun luah pha tlem te an awm a. Chief Minister, Chief Whip, Chief Secretary, Chief Information Commi­sioner, Engineer-in-Chief leh Principal Chief Conservator of Forest te an ni.

Chief dinhmun luah phate hi chu sawrkar mi pawi­mawh, mawh­phurh­na leh thuneih­na sang tak nei an ni. Mizoram sawrkar flagship programme NLUP thu leh hla puan zar pawh hi a pawimawh hle a ni ang. Media Cell din a ni a, Chief Media Officer meuh-in a ho a ni.

Tunlaia titi lar ber pakhat CAG Report a NLUP chungchang lo lang ta hi a kipa kawiin hre vek lo mah ila, CAG hian NLUP kalphungah engemaw sawisel leh rawtna a siam niin a lang a. A chin­chhuakin mipuiin kan hre vek lo.

Chuvangin, thu kal lam leh haw lam te hi he NLUP Media Cell te hian chanchinbu leh TV hmangin puangzar thei se thil ṭha tak a nih a rinawm.

NLUP dawng tur thlan dan te, ṭan­puina semdarh leh a hlawhtlinpuitu tam tak TV leh chan­chinbu hmanga a puanzar ṭhin ang hian tunlai thil awmzia te hi min hrilh an ba lawm ni?

Thu puarpawleng satliah (propaganda) mai ni lo thu dik leh puanhnuai thil awm lo (transperancy) hi he Media Cell hian puangzar se thil duhawm tak a ni a. NLUP Apex Board emaw Implementing Board te pawh hian an Media Cell hi an hmang ṭangkai tur niin a rinawm.

- Zothankunga