Kan thingpui dawr/ hotel hi

Hman ni deuh khan ka lo vei ve deuh ṭhin chu sorkar lamin ka rin phak baka huaisenin an rawn bawhzui rup mai a, kan tui in tura an pack ṭhin hi en reng reng pawh hian a thianghlim lo ang tih hi ka lo mimawl rin ve tawp ṭhin a, a thianghlim lo tih an rawn finfiah ta a ni.

Tuna kan endik leh tur chu keini ang mimawl ber pawhin a thianghlim lo ang tih kan hriat chian sa thingpuidawr leh hotel kan tih maite hi an ni.

Zin kawnga kawng kama thingpui dawr ei tur hi chu a thianghlim lo tih hi inhrilh nawn sek kan ngai tawh lova, he thu sawi tur hian mithiam nih pawh a ngai lem lo.

A thingpui dawr hrim hrim pawh a balin a ṭawp tawh a, dawhkan khir uaih leh bang ung khup chhungah thingtlang khaw khata fai ber ber ni lem loten dawr an nghak a, khualzinte min lo hmuak ṭhin a ni a, ril a ṭam tawh si avang leh ei tur lamna tur dang a awm miau loh avangin kan han lut a, kan thil ei hi ka ngaihtuah ṭhin.

An choka leh a siamtute han hmuh hian chaw thianghlim tak kan ei dawn lo tih a rin hriat theih vek a, an siam dan hmu kher lo mah ila a thianghlim tawk lo ang tih chu a rin theih mai - zawlnei nih kher pawh a ngei lo.

Hengte hi endik a, tehna mumal deuh nen eng tin emaw tak kaihhruai theih an nih ka ring a, tuna kan dah ang teh tawp hi chuan hnam dang mikhualte chawlh puina tlak kawngpui pawimawhah pawh hian kan nei mang lo a ni. Thuneitu an awm chuan ngaihtuah ran deuh a ngai a ni.

- Lallawmkima