DAVIDA

Kohhran mi nih hi harsa ka ti. Kristian nih phei chu ka chaklohna lam a ni. Pathian thu awih nih phei chu ka tan hian a ngaihna awmin ka hre lo; Ama puihna nen lo chuan. Pathian thu leh Bible pawh ka hre vak lo. Mahse a thupui khi khitiang khian ka’n thlang ve ta ngawt a nih khi. Mi hmuhsit, sawisel leh d>usawh pawh ka tuar mai a ni ang chu.

Putar, kum 62 mi a nihin Davida kha a fapa Absalom-a hlauh vang khan a khawpui, Jerusalem aṭangin, Jordan lui khawchhak lam rampalailengah a tlanchhia a nih kha. Bahumrim khua a thlen khan Simei-a’n ^nchhe lawhin, Davida zuitute nen lam khan lungin a vawm a. Davida sipai huaisen, Abisai-a khan Simei-a lu chu l^k mai a duh a. Mahse Davida khan a phal tlat lo. ‘Lalpa’n a hnenah “Davida hi ^nchhia lawh rawh” a lo ti a nih si chuan, ti hian min lawh mai teh se. “Engah nge hetianga i tih?” ti thei tunge awm le?’ tiin a khap tlat a nih kha (2 Samuel-a 16:1 - 10).

Tunlai (2017) chho hian zu vanga Mizoram kohhran sawisel leh zah lova puh a, na tak taka chhanna thu d>ngkh^wng tak tak te, a sawiseltu ni-a an puhte leh zu ṭantu ni-a an hriatte kohhran mi lo/ kristian lo/ Pathian thu awih lo ni hiala ngaih theihna ṭawngkamte pawh a awm a ni awm e. Lamlian, sawrkar/ PWD enkawl ṭhat tur, a ṭhat loh vanga a chhiat thu pawh sawi a tam hle. Eiru-a ngaih, eir>kna aw...! a tam mai!

Mahse chuti chung chuan a Davida (kohhran / sawrkar/ PWD/ officer lian) chu an ngawi tlat emaw ni. Davida ang lo takin, thu tlinga ngaih loh, thiamthu sawi ni lova, insawi thiamin an dak zuah zuahin, Simeia (a sawitu) vauna hialte a awm emaw ni!

Davida sualna kan hriat l^r tak pakhat chu mi nu a uire kha a ni. Chuti chung chuan a sualzia leh Pathian ngaihdamna a dil nasatzia pawh Sam-ah a lang tam khawp mai. Mi huaisen, Abisai-a khan ngawih hun a hria; engmah a sawi zui lo. Davida pawh khan thu dik (Pathian) lam hawi hun a hria a, Abisai-a kha a khap a nih kha. Mizo tan, ram leh hnam tan hian Mizo Davida-te u, dikna (Pathian) lam hawi a, rilru thianghlim put tuma beih a hun tawh lo maw! Mizo Abisai-a khap ahn>kin, tute emaw fuihpawrhin, thu ziak lama insawi thiam kan tum mai em ni? Mizo Abisai-ate khap a, mi dang sual ti ve zel tur v>n in tum dawn lo’m ni? I mita khanchhuk awm kha paih hmasak tum ta che. Ngawih ngawt hi Davida anna a ni lo, thu dik (Pathian) lam hawi a dik ang.

Nangni Mizo Abisai-ate u, ngaihtuah chiang teh u. Hnaivai an nih vang te, sahriaka min hnawih mawm theih vang maite khan in k^ kha ^ng chawt tawh teh suh u. Ngawih hun hre ve deuh teh u. Khatia Davida leh Abisai-a’n an tih vang pawh kha a ni ang, Davida kha ropui takin a lal leh a nih kha.

Simeia ^nchhe lawh, Bible-a langah khan d^wt a awm em? Ama ngaihdan kha dik lo leh dik ta lo chu a awm hlawm. Khang pawh kha ‘d^wt’ tihsak vek theih a ni lo. Tichuan, nang Mizo Simei, ngawi hauh suh. Chhia leh ṭha hriatna thiang tak, Pathianina a p>k che hmang khan z^m lovin p>n z>l rawh. Mizo zingah hian baal hmaa ṭhing-

ṭhi ngai lo tam tak Pathianin a la nei e. Kan Mizo Davida-te hi ka vuah fuh em ka hre lo. A fuh ta lo a nih chuan Davida dik kan la nei >m >m ang. Mipui kan thu ber. Pathian min siam dan chu mipui thuneihna (democracy) hi a ni.

Zu hi sual bul pakhat chu a ni. Mahse Pathian hian khawvel hi sual do tur awm miah lovin, engtik lai mahin a dahin ka ring lo. Zu hi do chu a ngai, mah se kan do dan hi a ler mah mah hian ka hre ṭhin. Chhungkua aṭang hian i ṭan ṭha leh ang u. Kan tu kan fate hi kan enkawl tura Pathian min p>k, mi kut - home leh jail vela dah mai mai tur kan ni lo.

Thil dang deuh - uire-nu, Thali leh Khupi hi an awm a. Khupi chuan insawi thiam tak hian ‘Kei te chu mi pakhatah, vawi thum chauh asin ka la uir>. Thali chu mi hran hran pangaah a nia. A zat phei chu hriat s>n chi pawh a ni n^ng’ a ti mai a, a inthiam hliah hliah a nih hmel. Ṭhian pakhat sawi ka hre reng ṭhin. ‘Ram changkangah chuan an thil siam chhuahte hi engtin nge a aia ṭhaa kan siam ang tih an ngaihtuah a. India-ah chuan engtin nge a ang deuh si, a aia chhiaa kan siam theih ang tih hi an ngaihtuah dan a nia’ a ti a.

Mizoram awmzia hi kan hria mai ni lovin, kan hmu a, hmun dang aṭang pawhin min hriain min hmu ṭan ta. CAG report-te pawh kan hria. Chanchinbu-ahte ‘state tiṭha ber kan ni’ tih a tam viau a, a lawmawmna chin pawh a awm. Mahse Khupi lungawina leh thiam intihna ang mai khi a ni. India thil siam thiam nena inteh a, lungawi mai tur kan ni em ni? Kan thlen chin aṭanga hmasawn zel tur kan ni lo em ni, Davida-te u?

- C.Biakzuala