Vishal leh Bazar India chungchang...

Sumdawnna hi hnam inchimralna hman­raw ṭha ber a ni tih ngaih­tuah thleng pha lo leh ngaituah thleng duh lo, a man tlawm leh to ringawt ngaihtuah kan tam lutuk hi a lung­chhiatthlak mang e.

Hei hi hre teh - April 2015 - April 2017, kum hnih chhung lek hian dan ang thlap si a sumdawn theihna permit hmu hnamdang mimal 253 leh hnamdang company 187, a vaiin 440 teh meuh mai an awm asin. Tunhnai kum hnih chhung lek a nih chu aw...!

Vishal-ah Mizo an thawk ṭeuh i ti a ni thei e, heti zawng hian han ngaihtuah teh; Vishal-ah Vai thuhnuai-ah Mizo engzat nge kûn mek? Bazar India-ah Vai thuhnuai-ah Mizo engzat nge kûn mek? Hei hi a bul ṭanna chauh a la ni?

Nang leh kei hi chu kan upa tawh a, kan dam chhung hi chuan min chimral hauh lo ang. Hetiang zela kan en liam erawh chuan kum 50 hnuah chuan a ram leilung fa, kan tu leh fate hian kan Zoram nuamah ngei Vai milian hausa leh Vai company hnuaiah hna hnuaihnung dilin an la kûn ngei ang.

Chutih hunah chuan thil thlir thui lo ho 'An ti tlawm a lawm... Mizo dawrkai an tito uchuak....' titute tu leh fate hi a mangang ber ber an la ni mahna le...?

Kan la him thei a ni tih kan hre lo a nih pawhin chimral tham lek kan ni tih hi i hre reng ang u...

- Tekawka