CHHUANLAM DAWRAWM

TV Programme lamah mithiam intelkhawm pawlte zir chianna te a lo ri thar leh ta. Chumi zungzam chu ni tak maw, facebook leh whatsapp lamah school ṭan hun chungchang chu thupui ber a ni leh titih ta mai. School tan hun titlai tura duhna au thawm a lian thar leh ta hle mai.

MLPC leh Sikul ṭan hun tih hma chungchangah sawrkar lamah ka ṭang ṭ^ng ṭ^ng ṭhin a. MLPC hi chu a ruiha kan ruih nasat t^k >m av^ng leh, a khapna lam awm reng reng lo ang maia kan khawtlangah zu a luana a luan t^k av^ng hian sawi t<r reng reng ka hre hauh tawh lo mai. Tuilian ang maia a luan tak hum humah chuan, mahni f^te vawng hneh ve pangngai pa nia ka inhriat ven ṭhinna pawh min sawi nghing hial a lawm le, he MLA (Mizo Liquor Act; Prohibition leh Control hi chu ka dah tel ngam ta lo) zet chuan le! Fapa hlang pathum nei pa hn^r a lian e.

School ṭan hma lam thuah erawh chuan a duh hm^ pawlah ka la ṭang z>l e. School ṭan tlai an duh chhan tlangpui, facebook lama an sawi chu ‘naupang pum a chhe zo dawn’ tih hi a ni. An sawi ang hi a nih chuan School ṭan hma hi AIDS natna ai pawha hlauhawm zawk hiala mawi a ni, t<n aṭanga kum sawmah chuan school ṭan hma av^ngin kan fate an thi puk puk mai ang tih hlauhawm khawpin a ni an sawi hlauhawm ni. Naupangin zingah zing chaw an ei ṭha hman lo an tih chu, nu leh pa thawh z$n ve mai t<r tia han hnial pawhin, a zing lutuka an ei peih lo an ti leh z>l a. Ṭan hma duhtu apiang min hmuh Congress deuh danah, kum 2018 inthlan issue pakhat at^na tihl^r tum an awm emaw tih theih a ni. Issue a nih vaih chuan ruling t^n a nuam ang chu, an sawn hma zeuh mai d^wn a ni.

Eng pawh ni se, ka sawi duh tak chu, kan duh zawng leh kan duh loh zawng kan sawi dan hian hnam rinawm kan nih leh ni loh hi a hril ve tlata hriatna ka nei. ‘Zirtirtu chhungkuain harsatna kan tawk, chhungkaw nu leh pa chhuah hma a ngai a, kan nunphung a tibuai’ te ti sela awihawm deuh t<r a ni. Naupang pum a chhe zo dawn tih te hi zawng, Indona hmuna inhumhim n^na naupang an hmang te pawh a ang thei rum rum mai. Nu leh pa te zingkarah kan leng kham hman lo te ti sela a awihawm khawp ang. A hnam anga zingkara kan leng suau suau ringawt maite pawh hi sim ṭhen deuh chu a ṭha e.

Zingah hian tumah leng hman miah lo ila, kan society a mimal chungchang leh, ram rorelna chungchang thlenga thuthang dik lo awm ṭhin te hi a kiam maithei asin! Kum 2018 atana Sawrkar Holiday list chhuak tharah paih ṭhen a awm nual thu an sawi a, ka lo lawm hle. Working Day aia Holiday-in kan zinga chawimawi leh lawm a hlawh zawk chhung hi chuan hnam ropui kan ni lo vang. Chawlh leh len calture hi work calture a kan thlak a pawimawh hle!

Remchan loh avanga a hun sawn na na na ‘Remchan zawkna avangin’ kan han ti duh ta mai te hi a pawi ka ti ṭhin. A ṭawngkam hi a dawrawmin a vervek a ni. Kan hun leh hmun ruat hmasa a remchan loh avangin remchang dang kan zawng a, remchang dang kan hmu a ni mai; a remchan z^wk v^ng ni lovin remchang dang kan hmu a ni zawk.

D^n sawi pelh kan ch$n a, kan chunga dikna rorelna a lo thlen d^wna l^k leu kan ch$n a, kan duhzawng sawi mawi n^n leh duh loh zawng sawi chhiat n^na chhuanlam dawrawm tak tak siam kan hreh loh chhung hi chuan hnam ropui kan ni ngai lovang.

- Rev. Jh. Za Hluna