Lunglei RT-PCR thu kal zel

Lungleia RT-PCR dah leh dah loh thu kal zel hi han chhui zau leh chhin mai mai dawn teh ang. 

Sawrkar thuchhuak (No. 2056), DIPR website a Dt. 15th June a tarlanah chuan:

"Expert Team-te hian RT-PCR Laboratory puitling set-up tur hian sawrkarah recommendation an thehluh tur thu an tarlang a."

Zodintluanga'n RtPCR khawl a donate tuk chiah, Dt. 27th June a sawrkar thuchhuak (No. 2517) ah ve thung chuan heti hian a inziak ta daih mai: 

"Aizawl District tih loh District Head­quarters zawng zawng­ah Truenat khawl dah mai hi Expert Team te ngaih­dan a ni zawk a."

1) Expert team (?) te hian kar hnih khat leh chhung hian an rilru an thlak thut nge, an ngaihdan ang ni lo deuhin recommendation an thehlut? Nge an sawi ang hian an thehlut leh ta lo?

2) Eng vangin nge a harsat tur thu hi RtPCR donate a nih hnuah chiah hian an sawi? A hma zawngin Lunglei a dah tura hmalak mek thu an sawi reng a, I&PR Minister zahawm tak Pu Lalruatkima ngei pawhin "Lunglei tan order mek a nih hmel e. Sawrkarah chuan procedure te a awm ve a, kuhva lei ang maia awlsam a ni lova" a tih hnu lawkah Lungleia dah tumna a awm loh thu chhuah hi kan hmu leh ta si a! 

3) Sawrkar hian Lunglei tan RtPCR hi dah a tum lo a nih chuan eng vangin nge an lo dawn? Health Minister berin, "Kan dawng chu a ni ber alawm" a ti si a. Lungleia dah a tum loh chuan enga ti nge a pe kir leh mai dawn em ni?

4) Health Secre­tary in Civil Hospital in hetiang thil ropui leh lian tham chu an dawng ngam lova an dah let leh a ni ang, tia a sawi kha Lunglei hmuhsitnaah ka ngai. Dawn ngam/ theih loh tur chin limit hi sawrkar Deptt-te hian an lo nei reng em ni?