MNF manifesto - Political

Kum 2018 MLA election dawna MNF Manifesto (Political) bik chauh hi bih thuak thuak teh ang aw, tunah sorkar term tawp dawn hnaia kan thlen chin nen hian thil inmil lo emaw inmil deuh vek emaw a ni em tih te pawh lo buk ve ula.

An manifesto-a an ziah chu, sawrkar hmalak mek chhun­zawm tlakte bawh­zui a ni ang a, rin ngam, langtlang, mawh­phurhna hmachhawn ngam, rorelna fel leh thianghlim, thuneih­na semzai phal sawr­kar, mitin huapzo tur, mipui sawrkar din a ni ang a, tih a ni. A hnuaia mi hi political lama an manifesto ziah dan a ni.

Political:

1. UN Declaration on the Rights of Indigenous People Ni 13.9.2007 beh­chhanin, Zofa/Zo hnahthlak ram hrang hranga thendarh a awmte thuneihna sang zawk neia, rorelna pakhat hnuaia awmkhawm turin hmalak a ni ang.

2. Mizote Sakhua leh Hnam Dan, Tawng leh Nun­phung vawnghima, chawisang zel turin hmalak a ni ang.

3. Kum 1986-a MNF leh India sawr­kar Inremna avang a Mizorama tun thlenga muanna awm zui ta hi vawn nun zel a; Accord a thu thenkhat la tih puitlin loh awm apiang bawhzui leh tipuitling tura hmalak a ni ang.

4. Hnam Pasaltha leh Martar chhungte tan Special Scheme siam tum a ni ang.

5. Mizoram veng­him turin hmalak a ni ang a, ramri chhehvel a chengte tan hmasawnna chak zawka kalpui a nih theih nan hmalak ani ang.

6. Mizoram Village level Citizen Regis­tration kalpui a ni ang.

7. Inremna Thu­thlung angin Mino­rity-te dikna leh chanvo humhalh a ni ang.

8. Inremna Thu­thlung angin Border Trade tipuitling tura hma lak a ni ang.

Heng point 8 hi kum 2018 MLA elec­tion dawna MNF Manifesto (Political) bik a ni a. Thil dangah tih ṭhat tam tak pawh an nei tho ang a, mahse a zawng zawnga chhui zui loin a pawimawh zual nia ka ngaih pahnih, serial no. 5 ramri leh no. 8 border trade-a tun sorkar thlen chin hian beisei a pha lo deuh ka ti a ni.

Ramri humhalh hna hi MZP hmalakna arh chho ta avangin loh theih lohin MNF sorkarin police a tir a, inkahnaah chuan kan che chhe lo a, mahse kan duh ber kan ramri erawh a fel phah lo a, Mizoram pawh a zau phah lem lo.

Border trade pawh hi hmalakna thar chhuan tlak a awm lo a, kuhva phurh leh leiṭha phurh hun engemaw chen tihtawp lailawk erawh a ni. A bak hmasawnna emaw minifesto tihhlawhtlin lam emaw sawi tur ka hre lo a, a hria chuan han sawi ula...

- Lal Rinchhana