Sipai bang lo pawh kan bo!

VCP Pu Englova-te chhung chuan Veng lehlamah, "Pawisa kan nei lova, khawngaih takin min ṭanpui rawh u," tiin kut an va dawh duk duk a. Kutdawh mai ni lovin an hnuaia inhlawhfate ngei ngei pawh chu, "In hlawh hi kan pe full thei lovang che u, chhungkaw harsatna kan tawh avangin kan bat ṭhen sak dawn che u," tiin an duh zat zat an cut pawp pawp ta mai a. 

Chu mite Englo­vate chhung tho chuan Veng pang leh­lamah chuan pawisa hi an han ren lo em em khawp a, "Ekhai, hei le, nakin zela kan chhungkaw intodelhna turin kan ti a, rawtuaia kan intodelh theihna turin mau chi mi pakhatin a kui ṭiaka kan lei dawn a ni," an ti khul khul bawk a. Pu Englova inleng pa ber leh a thawhpui pakhat pawhin, "Sum lamah kan harsa lo, khaw ṭhenawmte sum aṭanga puihna lo kalin inkawibahna tur hmun hma ṭha chi kan siam dawn a, chutah chuan sum tam tak kan dah," tiin a lo au a lo au ve bawk a. 

Pu Englova te chhungkaw inrelbawl dan hian mang a tiang a nih loh pawhin nuih a tiza thei a, ṭhenkhat anmahni khawngaiha an chhungkaw khaw­sak harsat avanga chhawmdawlna tura sum leh pai petute erawh chu an thin a rim 

ṭan tawh a. Pu Englovate chhungkaw inrelbawl dan hi chu hriatthiam harsa tak a ni.

Ṭum khat chu Pu Englova-te V/C inthlan dawna a lehlam pawl hotupa pakhat, sorkarna tling zo ve ta lo zawk hian Pu Englova te chhungkaw harsat zia leh an buaizia a hmuhin a V/C lawmman aṭanga puih a duh thu a va hrilh a. An lawm viau dawn emaw a tihlai chuan an V/C Secretary chuan, "A ngai lovang, ruahmanna dang ṭha zawk Pu Engloavate chhungkain an nei," a lo ti a, sum thawh tumtu chu a hrilhhai ta hle a ni. 

Vawi khat leh chu Pu Englova-ten V/C inthlana an khingpui zinga mi tho hian chutianga VCP berin chhungkaw harsatna tawk ta chu ṭanpui a tum ve leh ta a, he pa hi chuan pawisaa pe lovin ama thu thuin Pu Englova te mamawh em em Pressure Cooker chu ama thuin a  lei sak ve ringawt mai a, chu chu an mamawh nia hriain a va pe ta a. Pu Englova naute chuan an dawng ngam der lova, chhungkaw harsatna an tawhlai leh suma an harsat lai ni mah se a petu chu V/C inthlana a lehlam mi a nih vang ringawtin chu Cooker chu V/C House leh YMA Hall inkarah an inpe chhawng an inpe chhawng ta a ni awm e.

Pu Englova te rorel danah hian Sipai bang lo pawh ka bo hle a ni.