Person with disable (PWD) Commissioner chung chang bawk
PWD Commissioner chung changah thil fel lo tam tak zingah Mizoram Blind Society (MBS) leh Mizo Student Union (MSU) hmalaknain dodalna lantir a ni a, chu mi rah chhuahah chuan Commissioner ban tir a lo ni tawh a. Hun eng emaw chen PWD Commissioner a neih loh hnuah lak thar a lo ni ta a, a hmaa buaina lo awm tawhna ang bawk hian thil fel lo tam tak a awm leh niin a lang.
1. Candidate zingah rualbanlo chung changa thiamna leh tawn hriat nei lo bawk lak a ni.
2. PWD Commissioner hmasa Social Welfare Department (SWD) Secretary
aṭangin Commissioner-ah lak a ni a, tunah hian SWD Director nilai chu Commissioner-ah ruat a ni leh a. SWD-ina an mal ken a Department kaisanna ang maia rualbanlote enkawlna tur hetiang office pawimawh hman a ni hi thil fel lo tak a ni.
SWD-in disable Commissioner full time leh acting-a an chelh chhung 2017 to till date
1. Mizoram sorkar Gazette 2017 to 2011 in mitdel (totally blind) ke pahnih chhia (both leg effected) te tan Group A Officer leh MCS, Lecturer hna apply a phalsak lova. Hei hi PWD Act leh Indian Constitution kalh a ni. Hei vang hian Chief Commissioner for Person With Disability, Government of India pawh insiam ṭha tura vawi tam Mizoram sorkar a hriattir hnu-ah pawh SWD
aṭanga full time leh acting a Commissioner hna lo thawk tawh reng reng hian hmalak ngaihna an hre lova. Mizoram Blind Society chuan ni 16th March 2016 khan Mizoram Governor hmu-in Memmorandum an theh lut a, Governor chuan Chief Secretary kal tlanga na taka order a pek hnu-ah Mizoram Gazette chu kumin 2017 hian siam ṭhat a ni ta a ni.
2. Tun hnaia Public Works Department-in rualbanlote tan hna Post 17 (SA - 6 Post. IV Grade - 11 Post) a laknaah khan SA Post bik hi mitdel tan apply an phal lova. He mi chungchang hi Pu B.Kapliana, Assistant Commissioner, SWD hnenah zual kovin a tuartuten ṭawngkamin an hrilh a, a ni chuan DP&AR dan siam a nih avangin Disable Commissioner Offfice-in eng mah tih theih an nei lo tiin a lo chhang a. Hei vang hian mitdel he hna diltute chu anmahni duh thlanna pawh ni lovin BA, MA zo tawh te pawh PWD Department a IV Grade Post a interview turin a dah thla lui a. Chung mitdel candidate-te chuan tlawm zawk nih pawh hreh lovin thuawi takin an thiamna sang zawk te dah ṭha in dan ang thlapin interview an hmachhawn a, hetia an inphah hniam chung pawhin mitdel tak pawh ni lo, law vision pawh ni bawk loten heng hna hi an hmu leh ta zawk si a, SWD Commissioner full time leh acting hnaa an dah mekte hian hetianga dik lo taka hna lak a nih ṭhin pawh hi an vei pui lo a, an thlavang hauhna chhete pawh an nei ngai lo a ni.
3. Kum 2010 ah Mizoram School Education Department in Middle School teacher an lak ṭum khan mitdel pakhatin a dil ve a, mitdel a nih avangin a thiamna en lovin hnawl a ni. Tichuan Chief Commissioner for Person With Disability (CCPD) Govt of India-ah complaint a theh lut a, CCPD chuan kha tih hun laia Commissioner charge latu SWD Secretary hnenah chuan Mizoram School Education Department PWD Act 1995 Sec = 33 an bawhchhiat thu hrilhin action la turin a rawn hrilh a. Commissioner charge latu hian action lak ngaihna a hre lova chu mitdel candidate chuan a chanpual ngei hna chu a hmu ta lo a ni.
4. Kum 2012 a DP&AR in Assistant Post 10 an lak ṭum khan Disable Quota 3 nos an dah a, hetah pawh hian mitdel graduate pakhatin a dil a, 100% blind a nih avangin DP&AR in a dilna an hnawlsak ta a. Chief Commissioner for Person With Disability (CCPD), Government of India-ah complaint a theh lut leh a, CCPD chuan he mi hun laia Disable Commissioner SWD Secretary chu action la turin a hriattir a, mahse Commissioner chuan action lak theih dan eng mah a hriat loh bakah hemi chung changah hian engmah a tih theih loh thu a lo hrilh a ni.
5. 2017 a DP&AR in Mizoram Gazette a tih chhuahah hian Disable Category a ziak dik lova blind ziak hmasa lovin ‘low vision’ a ziak hmasa a, hei pawh hi SWD aṭanga Commissioner hna chelh tawhte leh chelh mekte hian a dik lo a ni tih an hriat loh mai bakah veina an nei chuang lo tih a lang chiang hle.
6. Mizoram sorkarin rualbanlote tana hna a lak tawh reng rengah a bikin Group A, Group B leh MCS post a mitdel quota a lutte hi mitdel an nih nalai hriat tur a awm lo a, a ṭhen phei chu motor leh two wheeler khalh thei te an ni. Sorkar doctor-ten medical certificate an lo pe zel bawk nen. Mitdelte chanvo luah saktute hi SWD Commissioner te hian mitdelte chan ai an luahsak a ni tih pawh an hre lova, mitdelte tan a hmalakna an nei lo hrim hrim a ni.
7. Rualbanloten dan angin dikna chanvo ṭha tak tak an neih tawh avangin harsa tak chungin lehkha an zir ve ṭang
ṭang a, hna thawk theiin an inbuatsaih ve chho mek a. BA, MA, PhD thlengin an zir a, nimahsela an dikna anga an chanvo dik tak chang lova tun thlenga an la awm leh an thlavang hauhtu tur berten tih ngaihna an hre ngai tlat lo hi a lungchhiat thlak hle. Tun ṭumah pawh hian PWD Commissioner a ngaihna hre lo practical experience pawh nei lo bawk SWD Officer te promotion siam nana rualbanlote chanvo PWD Act-in a pek te pawh hlamchhiah ṭhintute bawk kan sorkarin PWD Commissioner-ah an dah leh ta mai hi a vanduaithlak tak zet zet a ni. Tling zawk leh RR-in a phut qualification leh practical experience nei ṭha zawk hnawl a ni hi a rawng an bawlsak tur rualbanlote nekchepna leh hmusitna a ni.
- P.Sanghmingthanga Adviser Mizoram Blind Society