Kawngpui chhia ka thlir ve dan

Hei kawngpui chhia hi kan sawi kan sawi ta mai a, a taka tawng vetu lo chuan a hrehawmzia pawh hi in hre lo ang. A taka tawngtu tan chuan kawngpui chhia hi thil hrehawm leh thinrimthlak a ni.

Kawngpui chhia hian zin veivah a ti hrehawm em em tih chu tlang hriat a ni a, a bik takin nitina zin vei vak ṭhin driver te tan chuan anchhia tak meuh a tlingin ka hria. Ka thlir dan zawk chu mipuiin kan tawrhna ve thung hi a ni.

Pakhatnaah chuan hun a heh. Ṭum danga kan zin aia rei tak hun hman a ngai ta a, kan hun khawhral man hi a tam em em a ni.

Zinga zin chhuah a, chhuna kan thlen theihna khua kan thleng hman lo a, chawhnu lama hnathawh nghal duhte khan kan thawk thei lova, nileng lengin motor kan chuang a, kan hun khawhral man hi sorkar hian min pe let dawn se an pe seng lo ang.

Lirthei chuan man to ta hian mipui pawisa nasa takin a pawt hek ta a, hei hi lirthei neitute thiam loh ni lovin sorkar thiam loh liau liau a ni. Kawngpui a chhia a, a aia hla zawka hel te a ngai a, a chang leh motor chuan man tito turin petrol leh diesel a let dawn dawnin a hek phah bawk a, mipuiin heng man zawng zawng hi an pek vek a ngai. Sorkarin kawngpui a tihchhiat tuartu chu mipui an ni.

Heng thil chi hnih hi Mizoram sorkar hian lo hre ve teh se.

- Lalliansanga Hnamte