AIZAWL TEMPLE SANA
London-a kan awm laiin Taxi pu pakha, kristian ṭha deuh mai hian, a taxi-a a ṭhutna hmaah kraws te tak te hi a khai a. Chu chu a passenger-ten an lo hek ta hlauh mai a. ‘Public service-a sakhaw thil tilang’ tiin court-in thiam loh a chantir a. Court chuan ti tawh lo turin thu pek an pe ta a ni.
Mizoramah kum sawm hnih lai hman lo ni tawh, Aizawl Temple sana, Mizoram landmark ang hial lo ni tawh chuan tun hnaiah sawisel tawkin, Police hotuten titawp tura thupek an tichhuak a. Chumi avang chuan Aizawl Temle thuneitute chuan sana dar vaw ṭhin chu an ti tawp ta a ni.
Hetiang thil hi a tawpna tur ni lovin, a bulṭanna chauh a nih ka ring. Mizoram kristian state kan tihah hian mi leh sa kan in chawhpawlh tulh tulh ang a. Ringlo mi, lal kan nei zel ang a, an huangtau deuh deuh ang a, sawisel an ngah tulh tulhin a rinawm. Biak In chhipa kraws, kawngsir leh tlang panga kraws dahte pawh hi an la rawn sawisel zel maithei. I lo thlir teh ang u hmiang.
- Commissioner Lalkiamlova