ZIAKMI HUAISEN KAN NEI LO

Mim kut thlaa CM fanuin doctor kut a thlak chungchang leh khatih laia chanchinbumite aṭang khan kan nihna dik tak a lang tih hi, amah Mafa ṭawngkam takin, Cindy Crawford-i bianga khuavang chhinchhiah ang maia chiang leh fiah a ni.

Khawtlang chanchin­bu hrang hrang 5/6 India Today, Times of India , etc ten headline an luah tir chuai chuai laia kan Zoram media leh daily newpaper-ten headline an luahtir ve mang lo te leh doctor-te pawhin ni khat chauh badge dum bela an lungawi zui mai chhan leh kan media hrang hrangten hemi chung changa headline luah chu sawi lovin, ka nei lo ang maia reaction a awm loh chhan kha a ni sawi tel hmasak ngai chu. Kha thila kan ngawih kur chhan kha e, kan fel viau vang a ni lo, hlauh kan nei.

Mihring nunna dam rei tura theihtawp chhuah ṭhin, khawvela mi hausa ber aṭanga a rethei ber pawhin kan mamawh leh kan pan fo doctor-te hian, awlsam takin doctor hna hi an zir chhuakin doctor an ni mai bik lo tih hriat nawn kan ngai. Pope Francis-a, Elon Mask leh Mukesh Ambani leh sciencetist ropui tak takte pawhin an mamoawh chu doctor-te tho hi an ni.

Engnge kan hlauh chu?: Ka hna ka chan ang, ban/ suspend ka ni palh ang, Court-ah ka hneh lo ang, etc unau mipa 3 hmeichhia 1 nen a naupang ber ka ni, mi thil ka ti sual ṭhin, chutiang hunah chuan, ka ute ni lovin ka pain a nih loh pawhin kan pute sawmin ngaihdam ka pa leh kan puten an dil ṭhin.

A chang chuan ka pa chauh kalin ngaihdam a dil ṭhin. Tunlaiah phei chuan awmhmum aṭangin tweeter kaltlangten ngaihdam kan nu leh paten an dil thei tawh lehnghal a. Ka u te pawhin an dil thei tho mahse Mizo society-ah thil kan tih sual palh leh mi pawi ka sawi changin chhungkaw pa ber ngawi reng lova ngaihdam dil ngaih huna ngaihdam a dil ṭhin hi, mite lo ngaihdan turah pawh a mawiin, a kal­phung a dik em em a ni.

Mite chuan sawrkar an ṭanpui ṭhin laiin, ṭhenkhat chuan ṭanpui ahnekin, min chawmtu sawrkar sum chu, a te ber aṭanga a lian ber thlengin kan pawngsual hi a ni hawt ber mai. Sawrkar chu kan rin ber leh min chawmtu, kan nu leh pa anga kan en tur/ kan zah tur a nih laiin leh engkim chumi chu, ṭhenawm pa chuan a dawng, keini chu kan dawng ve lo, tih te hi kan sawi duh zawng ala ni a. Sawrkarin min phut ve chhun, chhiah pek lam erawh kan harsat si.

Khaw pakhata khaw­tlang hruaitu ka hmuh leh hriat ngei chhung­kua chuan, electrict bill hi a pe ngai lo, sing tel an bat hnuin connection dang, mi connection mi hmingin an chhi leh zel a. Chutiang ngawt chuan bill pe lovin kum 7 dawn an awm tawh, car pawh an nei... tak tak.

Kan nu leh pa kohhran upa leh rawngbawltuten "I nu leh pa thu awi rawh, chu chu thupek tiam nei hmasa ber a ni" tia Sunday zinga pulpit min chum khum ve ṭhin hi chu, aw!

Chakaiin a fate kal dan mawi lo a tiha a sawisel kha chu nep te a ni. "A nih ka nu nangin hmahruaiin kal la i kal danin kal kan lo tum dawn nia" an ti a, an han kal mai chu.. a ngaihna a awm lo, ngaihna awm lo.

- azyuthanga