Inngaihdam hrin chhuah a ni em?
Zep thu a cheng lova kan ram hruaitu lu kan Chief Minister fanu chuan doctor pakhat chu mi mithmuh laiin kut a thlak a. Rui lo hai lovin kut a thlak hi national media chi hrang hrangah a lang a, mahse an in ngaihdam tawn avangin thubuai hla buaiah a kal ta lo niin ka lo hria.
Tuna social media lama darh thar ber chu officer pakhatin putar a pa rual zet tur kut a thlak chungchang a ni ve thung. He thil pawh hi hnam dang laka thleng chu ni se rapthlak kan ti leh hle ang a, mahse Mizo khawtlang nunah Mizo inneitu pa in chhungah ngei a thleng ta mai chu a ni sia le, kan Mizoram dinhmun hi a va chhe sawt em kan ti dawn nge, dan kan kenkawh ṭhat loh vangin misual an zalen ta lutuk kan ti zawk dawn le?
CM fanu a nih leh nih loh vang lam ni lovin chhun pachanga doctor hnathawhna hmuna doctor kut thlak kha chu dan anga kalpui tur a ni phawt mai. Hnathawhna hmun (placr of work) inzah sak lohna a nih bakah doctor pro-fession tán pawh mualphona tling phak a ni a, Mizo dana Inngaihdam kha a ṭhat rualin kal zelnaah a ṭha lo thei a, hetiang hi chu fimkhur a ngai takzet a ni.
CM fanu meuhin doctor kut a han thlak ngam mai te kha a zialo mang e. National media lamah an ziah nasat vei nen kan Mizo journalist te chuan an ziak ve ngam tlat lo. Kan media ten ngawih an chuh tlat kha sorkar aṭanga hamṭthatna andawn ṭhin tihtawp sak an hlauh vang nge ni aw tih te ka ngaihtuah a ni.
Media a thawktu nih chuan thil nihna dik tak chu ziah ngam ve awm! Tunah officer pakhat, Mizo ni siin putar leh in neitu ni bawk a in chhungah kut a thlak leh ta a, a pawiin a zahthlak viau a ni. Mizo hnam ang pawhin a mualpho thlak a, awm hmunah ha chang kan lo ṭhial ve bap bap a nih ber hi. He thil thleng pawh hi an an inngaidam leh dâwn nge ni ang dan angin thubuai an la dâwn le?
Chief Minister fanu kha hrem se kan duh ni lovin thil dik lo tak thleng kha dan angin kalpui se kan duh a ni zawk. Khatianga thil serious an palzam mai mai avang khan tunah pawh hian putar chungah thil duhawm lo a thleng leh ta chiah a, CM fanu thil tih pawi takah hma la loa a zuzi ta leh dan anga thil an kalpui loh nghawng a ni thei em tuna mi hi?
- MS Dawngliana