MIPUIIN THU-AWIH KAN BA

Hun rei tak ata tawh, sawrkar chuan lirthei neite hnenah hriattirna leh ngenna a lo chhuah tawh, garage chung changah hian sawkar hmalakna tihlawhtling zawnga ṭan kan lak ve a hun tawh viau mai.

Kan hriat ṭheuh angin kan khawpui a lirthei pung zel si kawng zau belh chuang si lo, nitin a tawt tulh tulh emaw tih mai tur a ni a, hei pawh hi a lo a ziaawm theih nan tiin sawrkar chuan lirthei in tlan chhawk dan a siam a, kan zawm ṭha pawhin a lang a, mahse chutitak chuan traffic jam a ziaawm phah chuang lo niin a lang a.

He mi bakah hian sawrkarin hma lak a tumna, lirthei nei zawngin a dahna (garage) nei vek tura min tihnaah hian mi lian leh mi te, thil ti thei leh ti thei lo pawhin he thu hi kan zawm a ṭul a ni. Aizawl veng pakhatah chuan kawngpui bula In nei kawngthlang leh kawng chhak lama miten an in kawng an dawr atan an siam a, anmahni motor kawngpuiah chhak lam leh thlang lamah an dah a. A lai zimte chu mipui leh lirthei kal nan an zuah a, heng ho hian sawrkar thu pek thar tur hi zawm tak ang maw?

Pawisa an chawi a nih pawhin chu chuan kawng chep a tiziaawm chuang miah lova, kawng a zauh phah chuang lo, a buai tur chu mipui bawk kan ni leh dawn. He thupek hi kan sawrkar hotute hian an keng kawh ngam tak tak dawn em? Mipuiin kan lo thlir ang e.

- Rev. Zawlthuama, Bawngkawn