MNF GORKHA CELL

"Mizo" tih hming chawi Party kan neih chhun ber leh Mizo Nationalist vawng him ber tura ngaih Party-ah chuan Gorkha Cell a piang ta rup mai! 

Congress Party hian an nei bawk a, mahse an ni hi chu National Party an ni a, a hriatthiam theih, chutiangin BJP pawh nise. 

Mizote tana Independent lo sual ngat ngat tawh, NDA a tel chung pawha BJP thlawptu ni lova inchhal khawpa Nationalist ngatin Gorkha Cell an khawr pum ta pup mai hi MNF miten inhmeh inti viau mahse an Pawl kalphung thlir chuan pâwnlam hian inhmeh lo kan tih sak zawk mah awm e. 

Hetiang chuan Mizo Hnam Party inti ṭhinah hian Chakma Cell, Bru Cell pawh din zel se a danglam lo ang a, kan hmuh dan erawh Nationalist dal riai riai a ni thung ang.

Presbyterian Kohhran, Baptist Cell te awm se, Baptist Kohhran, Adventist Cell te awm zel bawk se Mizo National Front a Gorkha Cell awm hi a mak lo deuh mahna. 

Ngaland rama Regional Party pakhat, Naga People's Front-ah khian Mizo Cell din ve ngawt phal tak ang maw?

Mizo aiah Multi-National-Front a chang zo ta em ni?