Join Defence Service as an officer (Officer ni rawh)

India ram state 29 zingah Mizoram hi ziak leh chhiar thiam tehna literacy percentage-ah 91.33% (is the third higest in the country) kan ni a, phnihna kan ni ṭhin a, a hnung tawlh zawngin kan kal a ni. Tunah hian kan ṭhalai lehkha zirte hi India ram khawpui lian eng emaw zatah an awm a. Kum tina 10+2 leh graduate pass tharte hi kan hnam tlem ngaihtuah chuan kan tam a, nimahsela tunah hian All India Civil Service-ah chuan kan kang ṭep thung.

Defence Services lama kan dinhmun kan hriat chian theih nan tlema zawng kan tarlang teh ang. Tunah hian Unit Pathum Army, Navy leh Air­force-ah Officer ṭang lai training mekte nen mi 38 chauh kan nei; officer ni tura Academy Training lai mi pa 4 te nen vek a ni. Hmeichhia officer 6 an awm a, Military Nursing Services (MNS) pali (4) an awm. Indian Navy (IN) Unit-ah phei chuan officer pakhat mah kan awm lo a, India Air Force (IAS) Unit-ah officer pali (4) an awm. Flight Lt. Pathum (3) leh Flying Officer Pakaht (1) an awm.

Anniho hi Army a kan senior offi­cer ṭanglaite an ni- 1. Lt. Col. Lalhming­thanga 2. Lt. Col. Ngurduhsanga Sailo 3. Lt. Col. Isak Lalremruata Sailo 4. Lt. Col. Abraham Lalchhana te an ni.

Kan ṭhenawm Ma­nipur state-ah chuan officer ṭanglai za (100) chuang an awm a, Lal tak kan Governor rank ang Lt. Gen. Meitei hnam an awm bik. Assam State-ah chuan, Air Vice Mershal an awm bawk.

Indian Air Force Unit-ah hian hnam­dang vai hmeichhia officer za (100) lai an awm a, India Coast Guard (ICG) ah Vai hmeichhia za (100) chuang an awm, Mizo nulate khawnge an awm? Vai chhia kan tih ṭhin vai nula pathum te chuan Fighter Pilot an pass chhuak.

Flying officer Avani Chutarvedi, Flying officer Bhawana Kanth, Flying Officer Mahona Singh te hi India President-in ni 18.6.2016 khan a conferned a ni.

Heng nula pathumte hi mipate nen Air Force Academy Dun­digal, Bengaluru Pilot Training a pass chhuak an ni a, nep lo tak an ni. Fighter Pilot an ni a, thlawhtheihna chak chi an khalh cher cher mai a ni. Kan nula leh tlangvalten kan hnam tan ṭan kan lak a pawimawh hle mai.

UPSC-in officer a luh theihna tur hriattirna advertise­ment kum khatah vawi hnih a chhuah ṭhin hi ngaihven ila, Employment News aṭangin vacancy awmte a hriat theih a ni. Hetiang ringawt hi kan dinhmun a ni tur a ni lo.

Mizorama MCS leh MPS nih kan tum ang hian India ram zau zawkah Central Civil Services leh Defence Services lut thei tura kan hnam tan inbuatsaih a va hun em.

- Hav. P. Liankhuma (Retd.), Kanan Veng