HOCKEY TEL LO- MIZORAM POLICE SPORTS

October ni 18 khan Mizoram Police Sports tan a nih thu chanchinbuah ka lo hmu. Mizoram Police Sports hi 1986 aṭanga ṭan niin ka hria. Pa-ro-khawm tur ang mai tih zawng zawng inbelin kan lo buaipui tawh thin Mizoram Police Sports hian lung a tileng a, keima lung a tileng em em a ni ti ila a dik ber awm e.

Amaherawhchu, 'Hockey Game' tel lo hian thinlai a fan a, a lungchhiat thlak hle a ni, tih ngaihna tak a awm ngang lo em ni?

Armed Battalion dangte din an nih hma pawh khan Ist MAP khan Football Team Hockey Team tha tak a enkawl thei a. Mizoram Champion tam ber he game pahnihah hian an ni reng ṭhin.

Football:

Pu KC Thanga Comman­dant Ist MAP khan Manipur lam aṭangin Football Player engemawzat a rawn hawn a. 1974 aṭang chuan Ist A.R in chakni an hmu tawh ngai lo a nih kha. Kum 1993 khan All India Football Game ka dil chhuak a, pathumna (Bronze Medalist) hial kan ni pha. Mizoram Police Football Club pawh hi kan lo tan si!

Chak loh chang an nei fo hi a siam that dan a awmin ka hria. Striker tha zual pahnih (2) leh Defender tha tak pahnih (2) la ila Competition hrang hrangah chak tura ngaih kan ni mai ang.

Hockey:

Mizoram Police Hockey Team hi Mizoram State Hockey Team an nih nghal­na a rei tawh hle. North East Sports-ah phei chuan Manipur nen kan Champion chhawk a ni ber a.

Kum 2000-a Hockey Player tur Constable-a lak bak chu lak leh a awm ta lo. Mizo leh Hockey game hi an lo inhmeh hle ṭhin tawh a.

Assam State Hockey Team pawh Mizo tlangvalte Assam Police-a awmte an lo ni fo tawh. Assam Regiment Centre Hockey Player-te pawh Mizo tlangval vek an lo ni tawh ṭhin.

Hockey khelh thiam tak loh vanga he game hi bansan a ni ta mai em tih hi ngaihtuah chian chuan ngaihthah a nih vanga lar ta lo mai a ni lo maw?

A kaikuang ber ni thei chu Aizawl-ah Astro Turf Hockey Ground awm loh vang a ni thei lo maw? Mizoram Police hi chuan han tan leh tawh se a lawmawm hle ang.

- Capt. Hmingdailova Khiangte, IPS (retd) Hon Life President Hockey, Mizoram