Hnam party chu Hnam party a ni reng ang

Mi ṭhenkhatin MNF hi a dal tawh, tun hmaa MNF kha an ni tawh lo, vangvat kai pawh an awm tawh mang lo tiin han sel ṭhin mah se, he Hnam Party hi chu Hnam Party a ni zel dawn. Hruaitu inthlak avang te, sawi­seltute avang maia nghing tur chi a ni lo.

Khuarel kalphung chu hnah hlui chu hnah tharin a thlak ṭhin angin, MNF chhungah ngei pawh hruaitu zawi zawiin a inthlak zel a ni.

Founder Pu Lal­denga thihna pawh ṭhang khat lian zet a ral ta. Pu Denga awm loh ruala MNF ral mai tur anga party ṭhenkhat duhthusam chu a tlawlh chiang em em a ni. Pu Denga awm loh hnuah poli­tical party ang phei chuan hma a sawn zel a ni zawk asin.

Tuna MNF Minis­try hi kan en chuan Pu Zoramthanga, Pu Tawnluia, Pu Lalchamliana leh Pu Lalrintluanga Sailo tih loh hi chu vangvat kai an awm tawh lo. Vangvat kai lo hi MNF lem lem an ni ta tihna a ni lo bawk. MNF thuthlung vawng nungtu ṭhang thar zawk an ni a, anni hi MNF keng nung zui zeltu tur an ni zawk asin.

Kan thlir kir chuan MNF vangvat kai chin chu an kum a tam tawh lo thei lova, ram buai pawh a lo rei tawh a, buai hnua piang pawh ram hruaitu an ni tawh a, an MNF nihna a dal chhe te lo.

Kan hruaitute chu kum 70 ral kai leh 80 ral kai hial an lo awm tawh a nih pawhin he MNF hian Hnam, party nihna hi 1% pawh a la hloh lova, vangvat kai kan tih leh vangvat kai lo kan tihte hi MNF spirit chuan a kuah khawm vek zawk a ni si a.

- Lalchhuanawma