AMC-in bawlhhlawh a thliar em?

Aizawl khawpui enkawltu AMC hian mipuite bawlhhlawh thliar turin min vo deuh khur khur reng a, tlin leh tlin loin ṭawih thei leh ṭawih thei lo chu kan han thliar ta cheng a. Anmahni AMC zawk hian bawlhhlawh hi an thliar ve em tih hi ka zawt chawt teh ang.

ZPM MLA rualin bawlhhlawh paihna an zuk tlawh khan AMC hian bawlhhlawh an thliar lo nia sawi a ni a, khang te kha engtin nge hma an lak zel tih hi mipui hriatah an puang ngam tawh em le? Hun a liam leh deuh tawh a, AMC berin dan a lo bawhchhe reng si a nih chuan mipui kaihruaitu tur ber an rintlak lo tihna a ni dawn.

ZPM MLA te sawi anga AMC in bawlhhlawh hi a la thliar lo cheu a nih chuan mitdel leh mitdel in hruai ang chauh kan ni ang a, khuarkhuruma tlak bak hmabak kan nei dawn lo.

Thawm ringawt ri lian loin leh duhsak zawngte tana pawl chak tak, huat zawngte tana pawl zahpuiawm tak a nih loh nan AMC meuh hi chu entawn tlakin a awm tur a ni si a.

- John Sinate