Mizo ṭawng i hmang dik ang u
Ṭum khat chu kan Mizo pa pakhat hian thu a sawi a, nalh leh tluang mam ṭha takin thu a sawi a. Rang mam ṭha taka sawi ni mahse mi thiam ni mah se a ṭawng hman dik lo ka man tlat zuk nia maw le. Rang takin a lam a, zoṭawng dik lo a hman chu ka hre hman tlat zuk nia. A thusawi tui lai tak ka zuk man chu zantir tia a sawi hi a ni.
1. A sawi tum chu hun kal tawha thil thleng a sawi laiin ‘thimhlim’ tih turah hian ‘zan tir’ tia a lam ka lo man hlauh mai chu, lam nalh viau mah se a va pawi tak em! Thimhlimah tih mai tur a nia.
2. Thil dang leh pakhat chu, tun lai hian Kohhranho hian ṭawng dik lo kan hmang nasa a! Ṭantu ṭhenkhat chu "Pathian lehkhabu ilo chhiar ila" han ti ta tlat mai hi kan awm a ni. "I lo chhiar ang u" lam turah i lo ti tawh na na na ilo chhhiar ang u tih tlang tawh mai turah "ilo chhiar ila" kan han ti ṭalh mai ṭhin hi zawng ni lo lutuk deuhin a hriat e. Kan hman sual fo nia ka hrial pakhhat kan sawi leh teh ang.
Puan bih leh puan ven :- Mipain puan an veng ang a, hmeichhia-in puan an bih ang. Puitling ngial ngial Mizoṭawng hre awm ngial ngiala kan ngaih te hian hmeichhiate hi puan an ven tir ta fo mai zuk nia mawle! Hmeichhia tawh reng reng chuan puan bih tur a ni ang a. Mipa chin reng reng chuan puan an veng ang.
Tin, pawnfen a nih chuan hmeichhia tawh phawt chuan an feng ang a, pawnfen chu hak tur a ni lo bawk ang. Kan ram khawpuiah hnam dang te nena kan chen zana hmun a nih tak avang hian ṭawng hi a inpawlh sawp te pawh a ni mahna, eng pawh ni se hman dik hram hram chu i tum ang u.
Manṭang ei thu:- Mizo hi hnam ṭangrual tak kan lo ni a, kan dan pawimawh tak nupui pasal inneih niah kan ṭan tlan dan te hi a ṭha hle mai. Mahse kan ti lutuk deuh ta fo mai. Mizoin dan kan nei a, manṭang ei ruat hi. Tuna manṭang ei kan ruat dan hi kan ti lu ta deuhin a lang.
Mihring 100 teh meuh manṭang ei tura kan han ruat hi zawng a khapa inkhap hial a ṭul tain ka hria. Mizo hi zawngin thil tih uchuak hi kan ching fo mai a, a khapa inkhaap hial a ṭul tawhin a lang e.
- KV Lalhlimpuia