RAM HMANGAIHTU TAK CHU

Kum 10 chhung zet mikhual sawrkarin Mizo­ram a enkawl chhung khan, ram hruaitute chu an hausa thur thur a. Tun hmaa kan la hmuh leh hriat ngai loh, motor lian ke sawm pahnih neiten Gauhati leh Aizawl inkarah vawi 4 te lehlangin, a tak hmuh tur awm si lo  khan lung­alhthei an phur a. 

Gas a harsa em em reng a, kum 10 chhung teh meuh kawng siam theih loh chhuanlam a siamin, a tak awm si lovin ruah an sur tir bawk. MNF a rawn sawrkar ve meuh chuan mipui phunna nasa tak Gas chu Consumer-te lak sen loh khawpin sem reng a ni ta. Sawrkar hmasaah kha chuan kawngpui a chhe em em vek a, zu avangin nupa ṭãng ṭhen leh lusun an tam hle. 

Pathian leh mipui zarah sawrkar thar rawn dingin, sawrkar thar chuan ram mipui rethei leh mangang chu, thla rei lote chhungin a rawn khai chhuak ta mai a. Khawvel chawk buai khawp leh Sawrkar lian tak tak pawhin an buaipui hripui leng Covid19 lakah pawh tun thlengin Zoram mipuite an la humhim a nih hi. 

Hripui leng karah hnianghnarin Gas kan dawng a, kawngpui chhe lai pawh zawn chawp an ngai hial a. Zurui leh zu avanga nunna chan an reh ta duak mai pawh hian, MNF Sawrkar hna-thawh ṭhat leh hmalakna 

ṭhatzia a lan tirin, mipui thaw a veng ta. 

Party dang pawhin MNF Sawichhiatna tur an zawng fo a, mahse Pu Lalthanhawla meuh pawhin hripui dotu MNF kaihhruai sawrkar fakin, "Hei baka ṭha hi chuan tu tan mah tih ngaihna a awm lo," a ti hial a ni. 

Heng zawng zawng hi MNF Party hruai­tute leh nipuite thawhhona ṭhat vang a ni a, mi sawisel leh sawichhiat pawh chhang hman lo lekin Zoram leh mipui tan CM Pu Zoramthanga sorkar hian hna a thawk a ni. 

An hmangaih Zoram leh mipui tan a nunna hial pawh lo ui lova lo inhlan tawhtu Party a rawn sawrkar meuh chuan, ram leh mipuiin a hlawkna kan tel mawlh mawlh a, sawrkar lakah mipui pawh thlamuang takin an awm thei ta. Hripui vanga hna thawk thei lote tan a thlawnin buhfai leh chawhmeh te an sem a, chu ti chung chuan ram hmasawnna kawngah hma an la duai duai a reng tho a nih hi. 

Kan CM hmalaknaa sorkar Flagship prog­ramme, Mau pawh hi sawiseltu ṭhenkhatin a hlawhtling loh tur thu an sawi ve ṭhin. Mahse, Mizoram hian mau/ rua hi kan hlawhtlin pui loh chhan tur a awm bik lo. State hausa zawkte hlawkpui mek a ni a, Maharastra-ah chuan mau meihawl leh mau tui an siam chhuak chur chur a, an indaih lo; Mizoram thleng thlengin lei tur an rawn dap tawh a ni. 

Mau Industry din tur hian technology kan la nei tlem a, a technology kan zawn thiam a pawimawh a, chu hlawhtlinna kawng chu tuna kan CM in mut mawh hnar mawha a neih mek hi a ni e. Ram hmangaihtu tak chu Lal­pa'n mal a sawm a ni.