OCTOBER THLA CHHUNGIN INDIA RAM CAR ETC HRALH CHHUAH A ṬHA

October 2022 thla chhunga India ram chhung car (passenger vehicle) siamtu–Maruti Suzuki, Hyundai, Tata Motors, Mahindra & Mahindra, Kia India leh Honda Cars India te hralh chhuah chu a Ṭha (robust sale) hle a, India ram chhung mi tam berte tan kut ni vang thla (festive season) rawn her chhuakin a ken tel pakhat chu thil siamchhuah chi hrang hrang hralh chhuah tam a ni.

October thla chhunga passenger vehicle/car hralh chhuah punna hi a ṭha tham hle (robust growth) a, thla dang aiin car laihawl leh SUV hralh a tam zawk a, hetih rual hian two wheeler chi hrang hralh chhuah erawh thla dang aiin a ṭha hluai chuang lo a, nikum November 2021 hralh chhuah aiin a hniam hret zawk tih November 1, 2022 data tihchhuah chuan a tarlang.

Maruti

India ram car market-a hralh chhuak tam ber Maruti Suzuki India-in October thla chhunga an hralh chhuah hi nikum 2021 October thla aiin 26% a pung a, an hralh zat 1,47,072 units a nih laiin nikum October thlaa hralh zat 1,17,013 units a ni thung.

MSI hian an hralh chhuah tam zingah Alto leh S-Presso te a ni a, 24,936 units an hralh a, nikum October 2021 khan 21,831 units an hralh a ni. Compact cars category zingah Baleno, Celerio, Dzire, Ignis, Swift, Tour S leh WagonR te October 2022 chhunga hralh zat chu 73,685 units a nih laiin 48,690 units hi nikum October thla chhunga hralh zat a ni.

Hyundai

Kumin October thla chhunga Hyundai Motor India Ltd (HMIL) te car siam hralh chhuah pawh nikum 2021 October thla aiin 29.6% a pung a, an hralh zat 48,001 unit a nih laiin nikum October 2021 chhunga hralh zat 37,021 unit a ni. October 2021.

Tata motors

India ram pùm chhuak Tata Motors-in passenger vehicle October 2022 chhunga a hralh chhuah, electric vehicles tiamin 45,423 units a nih laiin nikum October 2021 chhunga hralh zat 34,155 units a ni a, a punna hi 33 % a ni.

Mahindra

Mahindra & Mahindra hralh chhuah punna pawh 60% a ni a, 32,298 units hi October 2022 a an hralh laiin 20,130 units hi nikum October 2021 an hralh chhuah a ni.

Kia

Kia India siam car hralh chhuah punna 43% a ni a, 23,323 units hi October 2022 an hralh a ni a, nikum October 2021 chhunga hralh zar 16,331 a ni.

TWO WHEELER

October 2022 thla chhunga two wheeler hralh chhuah zat hian nikum October 2021 thla chhunga hralh chhuah zat a phak lo hret thung a, two wheeler lei ṭhin te hi car lamah an insawn ta nge ni ang; two wheeler siamtu dang siamah an insawn zawk ni ang le?

Hero MotoCorp

India ram chhunga two wheeler hralh chhuak tam ber chuan October 2022 chhungin 454,582 unit an hralh a, nikum October 2021 chhunga an hralh zat 547,970 unit a ni a, a tlemna hi 17% a ni.

Bajaj Auto

October 2022 chhunga an hralh chhuah zat 395,238 unit a ni a, nikum October 2021 chhunga hralh zat aiin 10% in a tlem bawk.

TVS Motor

October 2022 chhunga an hralh zat 3,55,033 unit a ni a, nikum 2021 October thla aiin 2% in a tam thung a ni.

Honda

Honda Motorcycle and Scooter India in October 2022 chhunga an hralh chhuah zat chu 449,391 unit a ni a, nikum October 2021 a an hralh zat 432,229 a ni.

Suzuki

Suzuki Motorcycle India in October 2022 thla chhunga an hralh zat 87,859 a ni a, 27% in nikum 2021 October thla chhunga hralh aiin a pung a ni.

Royal Enfield

October 2022 thla chhunga hralh zat 82,235 unit a ni a, nikum October 2021 chhunga hralh 44,133 unit aiin 86.33% in a tam zawk a, September 2022 khan 82,097 unit an hralh chhuak bawk.

HEI VE THUNG HI

India ram chhung Car, Motorcycle leh thil dang tam tak siam leh hralh chhuah a tam hi a tawpa chhawrtu chu India ram mipui zawng zawngte kan ni. A chhan chu thil siam chhuah a tam hian hnathawktu an mamawh avangin mi tam takin hna an hmuh phah a, an thil hralhna aṭanga chhiah chi hrang hrang an pek kha a hlawkna teltu chu mipui an ni.

GST

12%–Tractor

28%–Majority of the vehicles–two wheeler, car auto.

Source : Mint

- Huna Kawlvawm