MI ROPUI AN LIAM ZEL MAW! (PU K.L. LIANA UINA)

Zoram rohlu mi ropui zofate tan a nunah zir tur zir sen rual loh neitu Pu K.L. Liana chanchinin sawiin tlai luat a awm dawn nem maw! 

Chuvangin, kei Mizo nu mawl, kei hmeichhe chhuanawm lo tak ni mah ila tlangnel taka a office-ah te thingpui sen mi in pui ve ṭhintu ka nihnaah tu khaw huatthu em ka sawi lo ang chu maw tiin ka han au chhuak ve a ni. 

Hetiang hian nghilhlohna thu- Awmlai lunglian hrangin kan zopa Pu. K.L. Liana (cancer natna) chimawm ber leh nunrawng berin banah kai e; Theihchang se Zoram khawvel hian chelh din a nuam ngeiin ka ring. Mahse maw, khawvel hring nunah mi hausa leh rethei ang khat veka hrut rualtu natna tenawm ber chuan dimna reng nei loin a hruai lui ta maw! Kir zai reng a rel lo a liam ruai ruai e. Zoram khawvel hian a tuar thiam lo e, sawrkar leh mipui hian kan la phal lo asin. 

A nun dikna leh huaisennaah Zoramin zir tur a la duh tawk mawlh love. A sakhmelah sappui mingo iangin puak ti mah suh se, siamtu khuanu duan danah lungawiin mahni in sawisa ngamin dawnfawh dihna ṭha tak a pek te chhuang zawk ang maiin mi tih hlimna atan a hmang hreh lo. Aw, a va pawi em! 

Kan Zofate zingah mi ropui, mi hlu an liam zel maw.... Khuanu remruatnaah han tel ve ila aw; koh kir leh tur an va tam ta em! 

Engpawh nise a nupui fanau, tu leh fate leh Zoram ṭhalaite u, Pu K.L. Liana dikna len rinawmna, huaisenna te, a rohlu ber a zahpui ngai loh chhawm nung zel turin ka ngen che u a, duhsakna ka hlan a che u. A chhungte Lalpan thlamuanin awmpui zel rawh se.