Flyover siam thuai se, Kawng chhawng chu dream tawh kher lo se

Kum khat kal ta khan Mizoram sorkar chuan Information & Public Relations Department website lamah a hnuaia thu hi an dah tawh a, Vaivakawn leh Bawngkawna Fly Over siam tumna a ni.

He thu hi a lawmawm ka tiin ka nghakhlel viau mai a. Keini Bawngkawn Veng tán leh lek phei chuan a lawmawm dan hi a säng bik a, he project hi chak takin thawk se, Aizawl khawpui kawng chunga a chhawng dawh phei zui tur chu kan hotute hian 'dream' tawh lo mai se, kawng chhawng ni lovin Fly Over hi kan mamawh hmasa chu a ni.

Dt. 11.11.2021 khan Chief Minister Pu Zoramthanga hovin Aizawl khawpui chhung kawng tawt lutuk tiziaawm tura hmalakna kal mek chungchangah hemi zirchiang tura rawih, TCIL (Telecommu­nications Consul­tant India Limited) hotute leh Planning & Programme Implementation Department leh PWD hotute chu an ṭhukhawm a ni.

TCIL hian Aizawl khawpui zirchianna an neih hnuah Bawngkawnah leh Vaivakawn a Flyover siam leh, public leh commercial vehicle chawlhna hmunpui, terminus siam chungchangah feasibility report an siam chu he an meeting-ah hian enho a ni a. An report thehluh chu a thuphunga pawm a ni. He report dungzuia DPR siam thuai turin leh, hmalakna tur fund allocate thuai a nih theih nan a rang thei ang bera sawrkar laipuia bawhzui tura rel a ni, tih a ni.

Khi thu khi tham ral mai tawh loin a tak chang se. Kum 2018 inthlan dâwn khan Chief Minister thusawi, kawng chhawng leh traffic jam awm lohna khawpui kha chu theihnghilh tawh mai se a ṭha ang.

Tunah chuan kawng pawimawh lai bik leh traffic jam ti zualtu pahnih lekah pawh state pakhat sorkarin Fly Over kan la siam hleithei lova. Hetiang kawng lun zual laiah tal hi chuan kawng chhawng kan tlin lo a nih pawhin hrethiam hram hram tlang ila.

Fly over tal hi chu siam se a bak chu kan ngaidam ang.

- Mama Hnamte, Bawngkawn