Written by
- JH Malsawmthanga
Covid-19 a sorkar hmalakna hi
Khawvel ram changkang zawkte ang bawkin Covid19 vangin kan buai a. Covid 19 do na'n a Sawrkar hnathawkte'n pawisa an thawh a, chumi chu thik ni awm taka lo vuipui te hi a dik lo mang e.
Sorkar hnathawk chu khua leh tui an ni a, khua leh tui ṭha chuan ram mipui buaina chu a buainaah a ngai tur a ni; a ṭul hun apiangah sorkar chu a pui ve tur a ni.
Covid19 vangin sorkar hnathawk tam tak chu hna thawk thei lo in an awm a, tam tak chu an awl viau zawk a ni. Hetih kara anmahni phalna ngeia sorkar hnena pawisa an pe hi an fakawm a, chutih rualin sorkar hnena sum an pe hi an tih tur awm tak a ni ve bawk.
Sawrkar hna thawk tam zawk hi Covid19 hri pui vanga Mizorama curfew kan puan chhung zawng hlawh an nei char char bik a, chumi vang te pawh chu a ni ang e, lawm takin mipui tan tlêm an thawh chhuak ve tihna a ni. Assam sorkar pawhin a hathawkte hlawh 30% an cut sak hial a, keini angin sorkar an dem ve luih luih awm ka hre lo a ni.
Mizoram mipui nawlpuiin hna kan thawk thei lo a, sumah harsatna nasa tak kan tawh laiin sorkar hnathawkte chuan buaina an nei miah lo. Sawrkar hna thawk ve lo zawngte erawh chuan Covid19 vanga curfew chhung te khan sum leh tha kan hloh a ni.
Hna kan thawk thei lo, pawn kan chhuak thei hek lo. Kan sorkar hnathawkte hi a hrana mipuiin va thik tura ka tihna lam a ni lo; sorkar hnathawk leh mipui inkara khi siam tum ni awm taka mi ṭhenkhatin thawm an lo nei fo mai hi a hrisel lo a, khua leh tui ṭha tih awm pawh niin a lang lo.
Khawvel pumah Covid-19 hian harsatna a thlen a, Mizoram pawh kan bang bik lo; tun aia harsatna lian zawk pawh kan la tawng maithei.
He hri dona kawngah hian Opposition hruaitu lawk ber Pu Lalthanhawla pawhin CM Pu Zoramthanga hmalakna a fak hial a. Hetihlai hian eptute leh mipui zinga ṭhenkhat, sorkar tlinlohna tur dat lui ngar ngar duh ni awm hiala ngaih theihten sawisel tur an la zawng reng mai hian mipui tana ding sorkar tha hi a ti ṭhum ang tih a hlauhawm hial a ni. Heng mite hiuan hmasawnna aiin party an buaipui zawk a ni.
MNF sorkar do loin Covid19 hi i do tlang ang u khai.