ZPM sawrkar se an ti thei ang em le?
Mizoram education atana thil pawimawh National Policy on Education-in ṭul a tithe hi ZPM sawrkar ta se an ti thei ang em le?
a) Mizorama school inspection awm ta lo hi sawrkar policy kengkawhtu, kaihruaitu, enkawltu leh ṭanpuitu ber, school-a thil dik lo awm tidiktu kha an awmtir leh thei ang em?
b) Zirtirtu indaih lo lutuk leh indaih lutuk sem rual leh effective teaching atan comprehensive type kha an ti thar leh thei ang em? English medium hovin an hmang a, an hlawhtlin phah si a. Kan naupangte'n an bawh ta hawk si a.
c) Examination (CCE) implement nan leh school administration tih changtlun nan school complex kha veng tin khaw tinah tihnun leh theih a ni ang em?
d) Thuneihna sem zai (deligation of power) Ministry
aṭanga Head of Institution thleng fel fai taka a awm kha. Primary teacher transfer leh G.P. Fund withdraw thlenga Minister thu ni ta vek (Minister phalna ngai ta vek) hi a nihna anga hman leh theih a ni ang em?
e) Mizoram Education Service (MES) duan tawh sa kha a tih puitlin theih tawh ang em?
f) C.C.E hi a taka puitlin tur chuan class 4 (pali) awmnaah zirtirtu 6 tal an ti a. An tlem chuan zirtirna (teaching) pe hman lova evaluation chauh tih hman a ni ang tihte hi zirtirtu a sem rual theih ang em?
g) Zirtirtu Non-Gazetted appointment pawh M.P.S.O kuta dah daih hi National Policy duh danin District tina District Advisory Board of Education kuta dah a, an recommend-te sawrkarin appointment pekin a tih theih ang em?
h) Political appointment, transfer, promotion tih tawp a theih ang em?
Hetiang a tih theih a nih chuan Elementary chin pawh English medium-ah a dah theih ang a. A kalhmang siam fel si lova Primary leh Middle School English medium a dah ve ngawt hi a hlawhtling thei lo. Kan education kalhmang siam ṭhat a nih chuan sawrkar school tlachhe zel hi a dan theih a rinawm.
English Medium School hi sel sel mah ila, an kal dan leh enkawl dan a dik zawk tlat. Sawrkar dinglai tan tih a har pawhin sawrkar tharah a remchang thei ang em?
- VL Nghaka