Mipui min nawrh khum
Sorkar hnathawkte hian sorkar an nawrh khum a ni mai lo. Anmahni ruaitu, sorkar siamtu, mipuite hi a nia min nawrh khum zawk. Sorkar hnathawk hi hlauh em em tham an ni hran lo. Sorkar hnathawk lo hi kan tam zawk fe...
State pachhia tih takah sum indaih lo tak kan ni tih chu kan hre tlang a, 7th Pay chungchang hi zau taka zirchian a
ṭul hle mai. In pek loh reng thu a awm lo a ni thei e, mahse... zir chian chhung leh ruahmanna siam chhung nghak rih tura ngen chunga mipui min nawrh khumtute hi mipuiten kan siam, sorkar hian a hrem ngam dawn em tih kan lo thlir e.
An hlawh leh hamṭhatna dang chauh pawh ni lo, an MR facility zawng zawngte en hian chuti taka a ruaitu sorkar leh an hlawh tur thawh khawmtu mipuite harsatna siamsak rum rum tur hi chu an ni em maw ni le aw...
Sorkar hnathawk ve lo te hi, 'chithlum mum or sahbawn tlang khat kan lei pawha chhiah pe kan ni a...’ sorkar hnathawkte hi kan chhiah pek tling khawm hmanga kan rawihte an ni ve tlat a ni.
An hlawh lak aṭanga an sum hman chhuah lo insem kual ve tur ang thaw thanga a thawk ve lo te min chhuah fo te phei hi chu a thinrimthlak ve fo.
Lehlamah chuan sorkar fawng vuantu, sum lama kan pachhiatzia hre chiangtu berte hi inhrek ahnekin hlawh leh hamṭhatna dangah mahni an induhsak viau si a, sorkar sum hman danah ṭul lem lova sum khawhral leh, rah chhuah si loa sum hman ral a tam tho bawk si tih sorkar hnathawkte hian an hmu ve kiau ang a, inthlahrung hauh lovin sorkar leh anmahni ruaitu mipuite min nawrh khum ta a ni ve thei bawk.
Nang khua leh tui ṭha, sorkar hna thawk i ni emaw, ni ve lo emaw beng sikin lo ngaihtuah chhunzawm ve teh.
- J Sawma Vanchhawng