PMJVK versus UC

Union Minister of State for Minority Affairs Pu John Barla chuan November 26 khan MINECO ah a Ministry hnuaiaPradhan Mantri Jan Vikas Karyakram(PMJVK) Mizorama kalpui dan leh dinhmun te, thlen chin leh hmabakte leh harsatna leh buaina awmte District Council Affairs & Minority Affairs Department leh Social Welfare & Tribal Affairs Department a hotulu leh officer te review meeting a neihpui tih kan lo hria a, he meeting thil thleng sorkar thupuangtu (I&PR Department) puan chhuahah kha chuan thil a fel thluam a, mahse hnathawh nemnghehna lehkha Utilisation Certificate lamah chuan a lung a awi lo tih kan hmu leh si a ni.

Sorkar thuchhuah ah chuan, "District Council Affairs & Minority Affairs Department hotute chuan MizoraminPMJVK kaltlanga sum a hmuh zat te, hmasawnna hna hrang hrang thawh mek dinhmun leh project pawimawh zual engemaw zat chanchin te tarlangin harsatna an tawh mek chungchangte a bik takin hna thawk tur Directorate an neih loh te, administrative cost pek an nih loh te, thawktu indaih loh vanga geo tagging lamah an hnufum bik te an sawi lang a ni. Pu John Barla chuan harsatna an tawh mek te chu a thei ang anga Ministry lama Secretary sawipuia chinfel dan kawng a zawnpui tur thu a sawi a. Hetiang harsatna te hi a hmun lokal loh chuan a hriat theih lova tiin a zin chhan pawh harsatna awm te chinfelpui te, project te dinhmun hriatchian a duh vang a nih thu a sawi lang a. Sum a hun taka an hmuh theih nan a hun taka sum hman nemnghehna Lehkhabu UC te chu Ministry lamah thehlut vat thin turin a chah a ni" tih kan hmu a ni.

Heng thil hi mipui nawlpui tana zuk hriatthiam ve se su theih si loh, chutih rual chuan hriat pawimawh a ni. Union Minister hian UC thehlut rang tura Mizoram sorkar lam a nawr tih kan lo hmuh hian tu mawhphurhna nge ni ta ang le? A changtu Minister leh Officer nge ni dawn a he PMJVK kal tlanga hnthawktute lam thiam loh zawk ni ang le?

PMJVK pawisa hi khelmual atan tam tham tak hman a niin zirna leh hriselna (Education & Health) lamah chuan kan hmang tlem em em a, hetiang thu te hi khel zui tlak a ni. Kan hman tamna lam hian UC hi an pe chhuak lo a nih chuan enge a chhan? Tunge a mawhphurtu? Heng thil hi ṭhangthar lehkhathiam te hian an chik peih a ngai tawh a, insawi mam mai mai hian Mizoram hi a ti hnung tawlh a ni.

- K Lalmuanawma