Ka Wallet ruak!

Vawiin chu ka Wallet, Rs 20/- ka ahna chu a ruak ta huai a!

Bazarah . . . ti ila, saw tah sawn . . . a piah fe Lammual bulah sawn-saw-fu tui zawrhna piah deuhah sawn pitar pakhat ka hmu a. Chu ka hmuh pitar chuan min hmu ve lo; tin mi dang pawh - a mit a del miau a. Mahse, a zai thiam ve lo; tin, thil dang thiam a neih pawh ka hre lo! Ka kal pel 'ngawt a . . .

Ka rilru erawh chuan a kal pel ve si lo. A khawl-bawma a pawisa chhiar lai kha amah ka hmuh hnuhnun ber a ni; chu pawh pel thuakin! Let leha ṭanpui ka duh hle.

A khawl bawma a thil dawn a dap khawmho ka zu hmuh zawng kha - cheng 1 thir pahnih, cheng 2 thir te leh cheng 5 thirte - lehkha awm loin.

Ka let ta nge nge. Treasury square kea kal man . . . mai bakah Krismas thilpekah tiin ka Wallet ka phawrh a. A sang a sang - a sing a sing - a nuai a nuai a khawl bawma thlak ka tum tehreng nen Rs 20/- chauh ka lo ak pek! Ka neih zawng zawng chu ka thlak ta - a lehkha pawisa hmuh hmasak ber chu!

Ka pe; mahse lawmna thinlunga lawmna ka dawng let. Ka Wallet ruak chuan min tihlim teh e.

Krismas a lo thleng dawn - i Wallet-a pawisa kha . . . tu tan? A tam emaw, a tlem emaw, hlimna hi i lei phakah an awm reng a nia!

- Zirsangkima