Health Department Audit

Kum 2020 khaw­velin hripui a hlauh em em lai khan Mizoram hripui dotu Health Depart­ment chu June 18 leh July 11 chhungin Mizoram Finance Commissioner thupek angin an sum hman dan en dik a ni a. Audit hi Department dang pawh kalpui zel tur tih a nih lai khan tun thleng hi chuan Health Department, Dr R Lalthangliana chanpual Depart­ment chiah an audit ta a ni.

Hripui leng donaa sum thawh­tu lian tak pakhat chu Disaster Management and Rehabilitation Department an ni a, chu chu an audit ve miah lo. Kha audit kha Covid-19 dona sum kal zel an endik duh vang a nih chuan Health leh Disaster Department hi audit ve ve awm tak a ni.

Hei mai bakah hian kan sawi ta sa sa a thling baw deuh hawkin han sawi ta ila. Department dang pawh audit chhunzawm zel tur a nih hmel lai hian Dr Thangtea chan Department chiah an audit mai kha a mak a ni.

Titi khawchang vawrhin Party lamah han sawi lut dawn ang u hmiang:- MNF chhungah hian khi neuh neuh a awm a nih pawhin party lian leh nghet a nih avangin a phel phawk tawh ngai dawn lo.

Pu Laldenga hun laia MNF aṭanga mithiam rual an chhuah pawhin MNF chu a survive thei zel tho a ni. Pu Lalduhoma hoa an chhuah phei kha chuan MNF an phel dawn niin a lang hman a, an phel tak tak chuang lo, MNF chu an ding chang zel a ni.

Hei hi Health Department mual­pho taka an audit hnu pawha ngawi rengte hian an hria a nih hmel a. Kha audit khan he sorkar hi a tichak sawt tih te chu Hnam Run titi a ni letling ta hlauh zawk a ni.

Opposition lamin Health department changtu Minister thinur rawn er let tura ngaih chu a ngawi zui ta hle hle a, nakina Chief Minister nih theih dan nghak pawh a ni lo ang tih sawi theih a nih loh rual hian Politics-ah chuan thleng thei lo a awm si lo.

Kum 2023 inthlan hma hian he thu ang chi hi Facebook, Whatsapp leh chanchinbu lamah kan ziak zauh zauh ṭhin dawn a ni.

- Lalremruata