Tunge sorkar dawn?

Kum 2023 chu kan lo chuangkai leh ta reng mai a, Mizo mipui kei ka ni in ti chinte chuan kum tawpa sorkar tur kan inrin siak leh ṭan ta sup sup tih hi hai rual a ni tawh lo e.

Chu inthlanna lo awm turah chuan sorkar thei pathum awm tiin an sawi a nih pawhin kei chuan sorkar thei pali an awm tih sawi pahin kumthar ka rawn chibai ve a che u.

Mi nawlpui chuan MNF emaw, Congress emaw ZPM emaw an sorkar an ring ngei ang. Kei erawh chuan ka hrilh a che u, BJP rimnam sorkar hi a piang lo ang tih a sawi theih tawh loh. BJP thawhpui hreh party pathum te hian inthlan zawhah BJP thawhpui an hreh tawh lo ang tih hi ka rin dan leh politics lama thil awm chiang sa a ni.

Chuvangin kum 2023 tawp lamah hian BJP hian Mizoramah thuneihna an chang thut thei ve tlat a ni.

He thu kan sawi ngam chhan chu MNF ropui loh zar kan zo tlang mek a ni a, term dang ang te chu ni se kum 5 an sorkar zawh hi chuan a lo berah kum 5 dang la sorkar tura beisei an ni - hun kal tawha kan sorkar neih dan thlirin.

Tuna MNF hi chu sorkar leh tur hian kan ring tawh hlawm tlat lova, anmahni pawhin an in ring tawh lo tih hi chu tlang hriat a ni. A ruling ber hian opposition hi na tak takin an bei a, ruling zawk hian a eptu lam an beih an beih chinah chuan an hlauthawng tih a chiang a, beih tham party dang an piang tawh tihna a ni bawk.

BJP lo luh theih dan han chhut han chhut leh ta ila. Lok Sabha inthlanah khan Dr BD Chakma biak Tuichawngah hian BJP chak zia kan hmu tawh a, seat 1 phawt.

BJP hian Pu Ngunlianchunga Bial Lawngtlai West-ah hian Chakma leh Bru an tam avangin BJP hian luh chat an tum a, Congress MLA awm sa hi chhawm an tum an la tih chu!!! Hei mai a ni lo e. Tuna Mamit bial ni mek Pu H Lalzirliana bial pawh hi BJP hian zuk han zuam em em tawh a!

Chutiang zel chuan, Pu Lalrin­tluanga Sailo bial Damnpa Bial pawh hi chhuh sak theih an inring a, an opponent lian tur pawh ZPM tih te a ni ta daih mai, MNF chu an huphurh tawh lo a ni.

BJP hian MLA pathum pali an neih chuan MLA 21 nei phak lo chiah chiah party ten an tlawn rawn dawn a ni. Hei tak hi Opposition Bench lama Dr BD Chakma dah lui tlattu MNF tan a pawi thei si a, kum tawp MLA inthlang tur chanchin ngaih­nawm dan hi chu ber thla a nih phei chuan a pui chho khawp ang.

Sorkar tur hi chu chhut thiam lo tan pawh Chief Minister thar a awm ngei rinna a lian hle a ni.

- Vanlalliana