Stock market DEMAT ACCOUNT
India ram stock markets kaltlanga sum peipungtu lian tham leh tènáu deuh (investor) nih tum tan Demat account hi neih ngei ngei ngai (mandatory) a ni.
DEMAT ACCOUNT
Electronics hmanga securities, share, bonds etc. te vawn leh dah ṭhatna hi Demat account chu a ni. Tun hma lama Demat account hman a nih hma chuan Stock exchange aṭang hian shares certificate chi hrang hrang lehkha hmang ngeia pek chhuah ṭhin a ni a, chu thil buaithlak tak chu electronic hmanga khawvel thiamna chuan a rawn thlak ta a ni. India ramah hian kum 1996 khan paper certificate vel thlak turin electronics hmanga Demat account chu siam a ni.
Demat account hian rang leh awlsam zawka sumdawnna a rawn thlak danglam bakah, share certificates bo, a lem leh paper hman ngaihna hna tam tak kha a rawn hnawt bo ta a ni. Demat account-ah hian Stock market hnuaia sum peipunna lam thil - equity shares, bonds, debt securities, mutual funds, government securities, ETF te kawng hmang fel tak neia chhinchhiahna a ni.
Demat Account chu eng nge a nih le?
Dematerialised account (hmanrua engmah ngai lo) hi a tawi zawngin Demat account tih a ni. Tun hmaa paper hmanga share certificates, bonds, debt securities etc te stock market aṭanga pek chhuah ṭhinah te khan, kha'ng an paper certificate zawng zawngte kha paper hman ngai loah chuan an chhunglut (dematerialised) vek a ngai nghal a ni. Demat account hi electronic hmang a ni a, a nihphung chu bank passbook ang tho hi a ni. Chuvangin, miin Demat account a neih chuan stock market hnuaia sum peipunna lam thil bonds, equity share, mutual funds, exchanged traded fund, government securities etc. ah te zau taka zuan luh theihna kawng a inhawng ta a ni.
Dematerialization
Sawi tak angin Stock market hun hmasa lamah khan shares hi a tak takin physical form ngeia kalpui a ni a, share certificate pechhuaka tih a ni. Hetiang a nih avang hian stock market sumdawnna kha a muangchangin thil tih zung zung a harsa hle ṭhin. Hei bakah misualin certificate lem siamte an ching a, certificate hloh, tihchhiat palhte a awm ṭhin.
Heng harsatna tam takte sukiang tur leh awlsam zawka siam tur hian kum 1996 khan National Securities Depository Limited (NSDL) chu din a ni a. NSDL chuan Demat Account hi a siam ta a. Hei hian shares certificate chu a rawn luahlan ta a ni. Certificate aiawh turin electronics thiamna hmangin shares chungchang, company leh pawisa aiawh securities hrang hrang chu lehkhapuan ngai tawh loa hetah hian vawn leh chhinchhiah fel a ni ta a ni. Hetianga thil thlak thleng a nih hlimah khan physical shares certificate neite khan electronics record lama an dahluh kha dematerialization chu a ni.
Demat account hian paperwork ngai a rawn hnawt bo mai a ni lo a, shares hmanga sumdawnna kawng thar a rawn siamin awlsam leh rang zawkin thil a rawn her rem ta a ni. India ram chhunga Demat account zawng zawng hi National Securities Depository Limited (NSDL) leh Central Depository Services Limited (CDSL) te hnuaia vek an ni.
Depositories
Depositories hi Sorkar din pawl (organization), sum peipunna lam kawhhmuhtu leh ṭanpuitu, sum peipungtute tana thil hriat ngai leh ṭulte leh, chung sum leh pai (financial assets) te lo vawng ṭhatu a ni. India ramah hian Demat account te vawnhimnaa mawhphurtu pahnih an awm.
#National Securities Depository Limited (NSDL)
#Central Depository Services Limited (CDSL)
Depository Participant
Sum peipunna lama mawhphurtu Depository leh sum peipungtu (investor) te inkara ṭanpuitu leh remchang lo kawhhmuhtu an awm leh a, chungho chu Depository Participants (DP) an ni. Hengho hi financial services industry, broker tih an ni.
Demat Account hian engtin nge hna a thawh?
Share market-a stock chi hrang hrang hi trading account kaltlang chauha lei leh hralh theih a ni a, trading account leh Demat account hi thil hrang thlunzawm tur a ni. Trading account aṭanga share lei kha Demat account-ah hian a lut zel a, chuvangin Demat account chu trading account leh share market thlunzawmtu a ni.
=> Stock exchange ah share i lei duh a, "buy" dilna i thawn kha i DP/Brokers te khan Stock exchange ah an lo thawn chhawng ang.
=> Stock market chuan "buy request" i share lei duhnate hnenah "sell request" an lo thawn ang, chutiang thil vel lo chingfeltu "clearing house" ah a lut phawt ang.
=> Clearing house chuan i share lei duh zat "buy request" zat kha Seller Demat account aṭangin a la chhuak (debit) ang a, i Demat account ah an dah lut (credit) ve thung ang. Tichuan, share chu i lei ta a, i leina sum chu i trading account aṭangin i pek a ngai thung ang.
Demat Account – Features
Demat account neiten sum peipunna lam thil leh a chhehvela chhawr ṭangkai tel theih (features) a neih pawimawhzualte chu :
Share transfer : Demat account neitu hian awlsam takin share an transfer thei a, mahni viltu DP/Broker te hnenah Delivering Instruction Slip (DIS) thawnin, anni hian an lo transfer ang.
Loan collateral : Demat account-a share i lei khawl Demat account-a dah hi Bank leh financial institution-ah loan dahkham atan hman theih a ni.
Temporary freeze : Hun eng emaw ti chhung atan Demat account hi tihtawp leh hren lailawk theih a ni. Hetianga tih theih dan hi account ah share tam tak a awm a ni.
Quick transfer of benefits : Stock market aṭanga hlawkna hmuh - dividends, bonus, issue of shares, stock splits, interest, refunds te hi rang leh awlsam taka tih theih a ni.
Speed e-facility : NSDL hian i DP/Brokers hnenah instruction slip thawn turin a phalsak che a, hei hian thil hriatthiam tawk loh leh inhriat pawh zung zung a tiawlsam a ni.
Benefit of a Demat account
* Chinfel a awlsam
* Sum peipunna kawngah remhriatna a pe
* A langtlangin zep a awm lo
* Paper hmanga hna thawh a tlem
* Sum peipungtu mi dangte nen rang takin a inbiak theih.
* Hlauhthawn tur a awm lo
* Sum peipungtu tan chona thar a ni.
Types of Demat Accounts
▶ Regular Demat Account : India ram chhunga cheng te tan a ni a, equity trading and investment ti duh tan neih theih a ni.
▶ Repatriable Demat Account : Non resident Indian te tan a ni a, Non Resident External (NRE) bank account nen thlunzawm tur a ni.
▶ Non-Repatriable Demat Account : Non resident Indian tan duhthlan tur dang a ni a, Non Resident Ordinary (NRO) bank account nen thlunzawm tur a ni.
How to open Demat Account
Depository Participant (DP)/ Brokers, financial services industry tam takin an hnena Demat Account online hmanga hawng tura an inzawrhna i hmu ṭhin ngei ang.
Demat account hawng turin heng hi thil ṭulte a ni.
* Proof of identity – PAN card, Adhar, Voter's ID, driving licence
* Proof of address – Passport, Bank passbook
* Proof of Income – Income tax return, Salary slip
* Passport sized photo
Hetianga dilna thehluh hnu hian ni 7-14 chhunga fel thei a ni, Brokers ṭhenkhat hian Demat account hawnsak man an la a, India infoline hian eng fee mah laksak loin an hawnsak thei. Annual maintenance charge erawh chawi a ngai ve ṭhin.
Source : IIFL SECURITIES
- Huna Kawlni Kawlvawm