Vision 2033

Entrepre­neurship pro­motion kan tih, Ministry of Micro, Small & Medium Enterprises (MSME) deve­lopment lamah hian Mizoram hi state zawng zawngah a hniam filawr kan ni ta maiin a lang. Rilru a nâ vang vang ṭhin.

Ruahmanna mumal tak, roadmap felfai tak neiin state dangte hi um ta ngar ngar ila, kan la umpha thei ang em le? A harsa tawh hle ang. Mahse, theih loh chu a ni lo.

Kuminah kan inthlang dawn a. Sorkarna changtu turte hian hma rawn la ta pawp pawp se. Kum 5 chhungin private sector te tan policy, regulations leh operational guidelines an siam fel hman ṭawk thei ang a.

He kum 5 chhung hian for­ma­lisation of private sector hi an thupui hmasa ber a nih a ngai. Thildang chu alo kal ve bek bek zel tho ang.

Hetianga an tih chuan, 2028 aṭang chuan kan ram pumpui hma tak tak a lak theih tawh ang a. Cluster Development Approach-in kan kal thei ang a. Ram bung inhne rem leh kawng tlang dung inmil ho leh thlai, thei leh thar chhuah dang milin establishment of cluster kan buai­pui thei tawh ang.

Chu hmalakna chhungah chuan kan kan resources milin Economic Park te, Industrial Estate te, Spl MSME Zone te kan din thei ang.

2033 aṭang chuan Mizoram ah MSME hian hmel thar a pu tawh ang a. Intlansiaknaah kan tel ve thei tawh ang.

He ruahmanna tihhlawhtling thei tur party hi kan hmu-in kan hria em le?

- Joseph L Ralte