Hektu MLA rual tan hek tur an awm leh mek

Kan hriat ṭheuh angin MNF MLA 12 te chuan Pu Lalduhoma chu ZPM flag a hmang a, ZPM tan a campaign a, ZPM party mi angin a khawsa a. Amah hi Independent a ni si, tiin an 'Hek' a, chu an hekna chu dan anga kal duh Assembly Speaker Pu Lalrinliana Sailo chuan a lo pawm a, kum 2020 khan Pu Duhoma chu MLA aṭangin "DAN angin" an disqualify ta a ni.

Khawvar hnuah inthlan ṭhat chu kum 2021 khan a awm a, sorkarna siamtu MNF chuan an rawng huai Pu Vanlalzawma an ser a, CM in Hnam Runa hna semtu a tih ngat a ni. Hnam Runa hna semtu chu Pu Duhoma chuan vote 3000 chuangin a hneh ta a ni.

Zoram mipui hian dan chhuanlama mahni MLA pui hek duhtu MLA 'DAN ngai pawimawh tak tak' te hi lo hmelhriat thar leh diat diat ta ila. 

Dan ang taka mipui thlan hek thla duhtute chu:

1. C Lalmuanpuia

2. Dr L. Thangmawia

3. Dr. Vanlalṭanpuia

4. Prof F. Lalnunmawia

5. Zothantluanga

6. Ramthanmawia

7. Er H. Lalzirliana

8. H. Biakzauva

9. Lalrinsanga Ralte

10. Dr. K. Pachhunga

11. Dr. ZR Thiamsanga

12. Lawmawma Tochhawng

Heng mite hi Kohhran Upa te, Medical Doctor te, thiamna vanga PhD nei phak chin te, Engineer te an awm thluah a ni. Dan an ngai pawimawh bawk a, tun hnaiah hian Independent MLA ni si ZPM flag hmang leh ZPM tana campaign an awm leh e. Chu mite chu - Dr Vanlalthlana, Vanlalhlana, VL Zaithan­zama, Lalchhuan­thanga, C Lalsawi­­vunga te an ni.

Hek leh tawh ula, Spea­ker pawhin lo pawm leh ngei se tih hi dan ngainatu­te chuan kan duh a ni.

- C Lalawmpuia