COVID19 DO NAN GOLDEN RULES

Covid-19 do tak tak hun kan thleng ta, a hma zawng aiin kan kai theihna ‘chance’ a sang zawk tlat. 

Ram ropui zawkten an cho sual a, ruang phum sen loh an neih tih hre reng ila, tun hi khawvela virus hi a tam ber lai, India ramah chak taka a darh mek lai, khawvel leh WHO a mangangpui mek lai a ni e. 

Mizoram chuan ram changkang New Zealand leh South Korea te angin Covid-19 hi fing, thu­awih leh changkang takin i do ang. 

Task Force-ten an area zela darh tur ven nan hma an lak te hi a va ṭha em. Veng tin khaw tina Task Force hruaitute ṭang zel rawh u - Kan hruaitu, kan Hero, ‘Fronline  Line Defense’ in ni e.

Mimal tinten Covid do nan Golden Rules te hi hretu ni mai lovin, Zawmtu i ni ang u:- 

1.    Ṭul lovah mi zing­ah kal suh, i inah tawm rawh - tihluih quarantine  aiin mahni thuin mahni ina quaran­tine a nuam zawk. 

2.    Mi bulah i awmin feet 6 a hla-ah chauh awm rawh - Distancing a pawimawh lutuk, a takin hmang rawh. 

3.    I hmai mask-in tuam rawh - Police hlauh vang ni loin i tan leh i hmangaihte tan aw. 

4.    Kut sil fai rawh - Thil i khawih zawh apiangin. Sahbawn or hand sanitiser hmangin. 

5.    Khawsik, hrawk na i neih chuan mi zingah awm lo la, inah tawm la. Covid Call center-ah in hriattir rawh. 

6.    Chhungkua leh 

ṭhian ṭhate in len pawh loh hun a ni ta - Sawrkar lockdown kher nghak lo ila, mah­ni in lockdown nachang hriat mai hi himna a ni. 

7.    Kei leh ka bula mite hi chuan an kai ve lo ang i tih chhung khan nangmah kha a kai darhtu i ni palh thei reng a ni. 

Sawrkar leh mi­thiamten theihtawp an chhuah tawh a, an chhuah zel dawn bawk a ni. Mipuiten kan tih ve tur kan hlen ve erawh a ngai e. 

Covid19 kan hneh chuan Pathian tak neitu ram, Pathian ven him ram kan ni tih state dang leh khaw­velin an hre thei ang. 

Tin, ICU awm aiin mahni ina awm a nuam zawk tih i hre thar ang aw - From Last Line of Defence.