Zu chhiah

Democracy ramah chuan mipuiin chhiah (tax), sorkar sumbawmah kan chhung khawm ṭhin a, he kan sum tlingkhawm hi mipuite hamṭhat nan sorkarin a semchhuak leh ṭhin.

Heng chhiah zingah hian mi ṭhenkhat chauhin kan pek ṭhin chhiah (Indirect-Goods & service tax) a awm a. Entirnan, car/ rangkachak/ lunghlu hi mi zawng zawngin kan lei pha lo a, heng hi ka lei chuan sorkarah chhiah ka pe a, a lei ve lote pawhin a zar an lo zo ve ta ṭhin a ni.

Kum 2022 December thla chhunga Delhi sorkarin zu hralhna chhiah a hmuh tlingkhawm chu vaibelchhe 20 chuang niin an sawi a. Delhi-ah zu in mi hi zaa sawm (10 percent) ni ta ang se, a in ve lo zaa sawmkua (90 percent) ten a in ṭhinte chhiah pek zar hi an lo zo ta ṭhin tihna a ni.

Mizoramah erawh heng zawng zawng hi dan lo a sumdawngte (smuggler) kutah a luang lut hem hem nitin mai ṭhin a, keini ang ram rethei tan phei chuan a uiawm tham hle a ni.

Chuvangin, zu in mi te inna man hi mipuiten a zar zo ve tawh ila a ṭha zawk phian lo maw?!

Eng nge in ngaih ve dan le...

- Lalngaihawma Pachuau