MNF chance a la ṭha ber

Assembly Elec­tion a hnai chho ta a, ZPM lamin beiseina an neih san tak deuh avang hian MNF hi tlachhe ta duai anga lantirna article hrang hrang ka lo chhiar ve nual tawh a. Heng an article ziah te vang mai mai hian ka nghing lo va, ka ngaihdan pawh hi a la sawi nghing chhe te lo, MNF bawk hi sorkar leh tura chance nei ṭha ber chu a ni.

Congress party dinhmun hi chu a hma aiin a sang chuanga a rinawm loh avangin MNF hi MLA ngah ber tur an ni a, sorkarna an siam phak leh phak loh chu ZPM leh BJP ṭan theih leh theih loah a innghat a ni.

MNF hian MLA ṭha tak tak a nei a, lehkhathiam sang tak tak an ni. MNF MLA te hi kan en chuan ruihhlo lakah an fihlim deuh vek bakah Master Degree nei an tam em em a, Kohhran Upa pawh an tam viau mai lehnghal a, hei hi kan mipui duh dan kohhran leh khawtlang tana mi ṭangkai leh mithiam rual awm khawmna chu a ni. Chuvangin he MNF term anga MLA ṭha rual hi an awm tawh kher dawn em ni?

MLA leh Minister te ni se zu ah an fihlim deuh ṭhuau a, party ṭhenkhat nen chuan khaikhin chi pawh ni loin mualphona nei mang loin term an hmang zo ṭep tawh a ni.

Tunlai hi Social Media khawvel a ni kan tih avang hian MNF MLA leh Minister zingah sawisel kai lo an awm lo ang tih chu thil chiang tak a ni a. Chutih lai karah chuan MNF MLA te hi Social Media lama dawt thu leng karah hian fakawm tak tak an ni.

Chhungkaw enkawlna kawng leh hmeichhiat mipat thilah pawh ni seng puh hming chhiatna tur awm mang loa felfai hlawm siau an ni pek a, chuvangin party dang tana khin huphurhawm tak an ni tlat mai.

BJP hian seat tlem la ta se, Congress hian seat tlem la leh ta bawk se lang ZPM lak zat tur a la hriatthiam thei lo a. MNF hi party malah chuan an la sang ber dawn tih a chiang.

Midang hian sawisel sawisel mahse mipui hian thlan tur dang ṭha an nei chuang loa MNF bawk hi mipui ngaihzawn tur leh Zoram innghahna tur chu an la ni zel ang.

- Lalthanzama