Tender kal dan mithiamte chhan atan

Mau chi supply-tu tur tender chhangtu hi mi pakhat chiah an ni an tih hian a chhanna hi dan angin a nung tho em ni? 

Keini ang chuan kan hrethiam ve phak lova, mi thil hre deuhte hian mi pakhat chauh chu 'comparative statement a lak theih loh' tiin a tender hi nung lovin a thi ṭhin an ti ṭhin kha a ni bawk si a? Ak zat hnih hnuai lam chu kan bo a ni. 

Mizorama mau chi supply-tu turte khan Mizoramah hmunhma an nei sa an ti a, state dang mi ni si Mizorama mau chi kui ṭiahna hmun hma an nei thei kha an va han bright fal em em ve le? 

Mizoram pian tirh aṭanga kum 2020 June thla thleng kha chuan Mizoramah man neia tam thama mau chi an hralh hi ka hre fuh miah lova, Vairam aṭanga Mizorama mau chi kui ṭiah nachang rawn hre nalh thei khawpa bright mau chi supply-tu hi chuan Mizoramah mau hi a chin hlawhtlin loh pawhin amah leh a thu rualpuite hi chu an hlawhtlin ngei ka ring a ni. 

Kan mithiamten tender hi mi pakhat chiah chhanin a nung tho em ni? building sa tur pawh hian contrac­tor lem hawh chawp talin mi pakhat aia tam chhangtu an awm tir ṭhin si a.