Change ka hmù ve tlat

Tunlai hian Assembly Budget Session a awm mêk. Tun ṭum ang reng renga ṭhalai rualin Assembly Session an ngaihven hi kei chuan ka la hre hauh lo ti nia. He session kan ngaihven hian entir a nei a, ṭhalai lehkha thiam tam takin kan ram che vêl hi an hre chiang duh tawh a ni.

Heng ṭhalaite hi thurawn han pe ve ta khanglang ila, kan thil vei em em leh kan hriat chian duhte hi RTI Act hmang hian a zawh fiah zung zung theih a ni. Lehkha thiam chin chuan RTI Act hman ṭangkai dan hi an thiam ngei tur a ni.

Heng hna hi MZP te, Journalist te, Political Party tih tur a ni bîk lova BA mai ni lo MA chin te phei hi chuan mahni aia pawl hniam te tih turah i dah lo ang u. Kan zir thiamna hmangin RTI Act hmangin kum 2023 chu kan duh i hai zung zung ang u.

Change ka hmù ka han tih hluai chhan chu, kan MLA zingah pawh inpuahchah ṭha tak tak hmuh tur an awm ve hi a ni.

Lehkhathiam leh thiam loh a ni lo ti awm ṭhin mahse a thiam chu an hriat a ni. Lehkha zir säng naran fing em em lem lo MLA pawh kan nei, mahse dan naranin a thiam nge nge chu An Debate kal hmang aṭangin a hriat a ni. MLA hi party hrang hrangah ṭha tak tak an awm tih a lang.

Pawisa atchilh kan ngaisang lo ngam niin ka lo hmù. Pawisa ringawt sawi, pawisa sawi chhuah dan leh pawisa a Vaibelchhe bia sawi chiam ṭhin kan MLA te hian Social Media ah nuihzat an hlawh.

Pawisa hmanga thil teh ṭhin, pawisa neih chuan engkim neih theih emaw inti tlatte hian mipui rilru an nei miah lo tih a lang. Vote chu a leia lei theih mual mual chu an nei leh ngei ang, mahsela mipui hian an dah säng lova, pawisa pawisa pawisa ti reng hi chu ngaihsan an hlawh lo.

Pawisa hmang hian mi thlem theih an awm a, pawisa hmanga hneh theih loh an awm tih a lang. Youtube hi lo en ve ula mi zawng zawng hi Anti-Ruling Party an ni chuang hauh lova, tute emaw an lo lan chiah hi chuan sawiselna hi a tam fal bîk.

Thalai Social Media hmang zingah hian pawisa, pawisa, pawisa ti reng ṭhinte ning hluah hluah tawh, pawisa sawi ṭhin te lo lan apianga lo lang ve nghat zat mai hi party lam mi ni lo hi an tam hle a, chu chu 'Change' ka han vuah ve chu a ni.

- Lalmalsawma