MLA te vanga LMC candidate beihna hi....
Hripui anchhia kan tawh laia keini chhim mipuite buaina tizualtu, hri len laia min thinur tirtu chu kan MLA ten chhim mipui thlavang an hauh ngam lo kha a ni.
Kha MLA te chet sual (chet duh lohna sual a ni zawk) avang khan Lunglei Municipal Council inthlan lo awm tura MNF candidate ṭha tak takte hi sawi hnawm kher tur a ni lo.
LMC inthlana MNF Candidate zingah hian mimal tak pawha ka hriat chiah mi fel tak, ka rin em em mi pathum pali an awm a. Keia hriat chian ni kher lo pawh Ruling Party candidate an nih avang hian an ṭha tawk ang tih ka ring.
Heng candidate te sawi mawi dawna, "Covid laia Lunglei mipui chhan ngam lo MNF MLA" tih lo ri chhen hi thil in kaihhnawih lo leh MNF LMC candidate te rem lo chung chunga neih tumna a ni.
MNF LMC candidate te hi thiam lohna leh ṭhat lohna an neih chuan beih ni se a thiang e, mahse 'MNF MLA te Aizawl lam thu thuin an awma hripui len lai pawhin Leitlangpui tán an au ngam lo' han tihte hi chu tuna LMC inthlan nen a inzawm miah lo a nia.
MNF MLA te hi miin a bei duh a nih chuan kumin kum tawpah mai hian MLA Inthlanpui a awm dawn a, chumi hunah chuan bei ang hmiang. Chuti lova LMC inthlan dawna MNF candidate te neihna tur hre chuang si lova an MLA te awm dan aṭanga lo hmeh bel ṭum hi chu a rilru chhiat thlak a ni.
Ṭan zawng pawh nei lo politics hmanga suma hlawk na um ve ngai lo ka ni a, huaisen takin ka ziak ngam a ni. Lunglei LMC inthlanah hian thianghlim takin campaign se, Leitlangpui tana mi ṭha chu mipuiin free and fair takin kan thlang ang.
MNF LMC candidate neihna atana MNF MLA nepzia sawi hi chu a buk ṭhelha ṭhelhna a ni. Leitlangpui mipuiin party dah ṭhain kan bial ṭheuhah candidate ṭha apiang i vote zawk ang u.
- Mama Ralte,
Venglai, Lunglei