CHAWK (Chalk) ṬANGKAINA

Naupan lai, sikula blackboard-a lehkha ziahnaa hman 

ṭhin chawk (chalk) kha kan la hre 

ṭheuh ang chu maw? In chhungkhurah 

ṭangkaina ṭha tak 

tak mai a lo nei ru khiau zu nia. Chungte chu maw;

1. Tuiek tur a veng thei

In chhung hmanrua thira siam ṭhenkhat chu a tuiek avanga kan paih tak a awm nual ngei ang. Thira siam hmanrua hi a huh a, hruk hul leh nghal loh chuan rei lovah a tuiek mai ṭhin. Chutianga a tuiek lohna tur chuan a tuiek hmain chawkin kan nawt dawn nia.

A tuiek tawh pawh hi chawkin nawt ila a tihfai leh theih bawk a ni.

2. Fanghmir, rannung a veng

In chhung khawi maw laiah fanghmir, rannung an lo awm ve a. Thawmhnaw leh ei tur te an lo bawm ṭhin a. Rannung thahna hlo (insect killer) hmanga kan tihrem hian tur a nih avangin a hlauhawm thei. Chutianga fanghmir, rannung awmnaah chuan chawk phut kan phul dawn nia. A chhuat leh bang chu chawka thai ran mai mai pawh a ṭha tho. Rannung thahna hlo aiin a ṭha zawk a ni. 

3. Rawng thim tawh a tinung leh thei

Hmanrua, a bikin choka hmanrua fian aṭangin ṭan ila, kan hman rei tawh chuan a rawng a thim ṭhin a, tenawmah a kal thei a ni. Chutianga a rawng a thim lohna tur chuan fian dahna bawmah khan chawk tlawn khat kan dah tel dawn nia. A thar lai ang rawng kha a pu reng tawh dawn a ni.

4. Rawng kai tihrehna atan a ṭha

Thawmhnawah rawng kan tikai palh a, hak tlak lohah a chang ṭhin. Chutianga thawm­hnawa rawng a kai chuan chawkin kan nawt ang a, minute 10 vel a rei hnuah sahbawn hmanga suk mai tur a ni. Thawmhnawa rawng kai kha a reh mai ang.