Hektu 12 khan ZPM MLA-te in hek ngam tawh lo vem ni?

Pu Lalduhoma chu MLA a nihna aṭangin a Kristian pui, a Mizo pui ni bawk leh a MLA pui ni hial; mi 12 te chuan "A ZPM lutuk, Independent a ni si" tiin an hek a, Dan ngai pawimawhtu Speaker Pu Lalrinliana Sailo chuan MLA aṭangin a bàn ta a ni tih kan la hria. Lunglei Municipal Council inthlana Independent MLA panga dang; ZPM hminga campaign, ZPM flag bula dingte kha MNF MLA-te hian an hek ngam tawh lo vem ni? Dan ngai pawimawhtu Speaker hian a bàn ngam tawh lo vem ni?

Kum 2018 khan ZPM party registered party a la nih loh mai avanga Independent-a din a ṭul a, ZPM Flag leh ZPM Symbol nen an Campaign a, anmahni pawh ZPM an inti a, chumi hre chiangtu chu Speaker, MLA 12 leh Mizoram mipuite hi an ni. Chuti chung chuan Independent a nihna lai chu changchawiin MNF MLA-te chuan anmahni aia MLA Senior zawk chu an 'HEK' ta a, Speaker dikna duh chuan a bàn ta a ni. A vawtuin ek a cheh a, Bye Election-ah MNF Vice President Pu Vanlalzawma chu Pu Duhoma'n a hneh ta a, Ruling Party ni chungin dawl zawrin an zawr.

MNF MLA 12, a ṭhen phei chu Kohhran rawngbawltu langsarte hian Pu Duhawma hek mai duhtawk lovin anmahni thiam inchantir tumin Press Conference an ko zui a ni. Tunah hian hèk tur Dr Vanlalthlana, Pu C Lalsawivunga, Pu Lalchhuanthanga, Pu VL Zaithanzama, Pu Vanlalhlana te chu Lunglei khawpuiah ZPM takin an campaign a, langsar takin an ZPM - Dan ngai pawimawhtu MLA 12 leh Speaker hian an bân leh bân loh kan en dawn. Pu Duhawma er leh huat luatah kum 2023 inthlanah hian mipuiin an chhinchhiah dawn che u a nia, in kal zel dan tur hi.

- Lalropuia, Ramhlun North