CALL UPON vrs ASK FOR

Tun hma deuh, kum 1957 leh 1965 inkar khan Mizo leh Khasi leh Garo-te chuan Hill State neih duhin, Eastern India Tribal Union kan din a. Mizo hruaitute chu Shillong-ah ro rel turin an chhuk zut a. Garo leh Khasi hruaitute pawh Aizawlah ro rel ho turin an lo chhuak chho zut bawk a ni. Rorelnaa an ṭawng hman chu Sap ṭawng a ni.

Kan Mizo hruaitute khan thu sawi tura hnam dang an koh khan 'call upon' tih hi an hmang ziah a. 'Call upon' hi a awmzia English Dictionary-in a sawi dan chuan 'turn to for help' a ti a. Ṭanpui tura sawm, ṭanpui ngai, tihna a lo ni a. Thu sawi tura mi sawm nana ṭanpui lo dil daih chu a mak ang reng hle a ni.

Govt. High School Head­master, Sangliana khan 'call upon' chu hmang tawh lo turin kan Politician hmasaho kha a hrilh ta a. Ani kha kum 1937 ah BA English honours lo pass daih tawh kha a ni a. A dik leh dik lo chu a hre chiang hle a ni.

Tun thleng hian kan Pastor ṭhenkhat pawh hian hnam dang Pastor te an lo kal a, thu sawi tura an sawm hian 'call upon' bawk hi an ala hmang ta cheu a ni.

Sap hovin thu sawi tura an sawm a, an ṭawngkam hman chu 'ask for' hi a ni. Ask for awmzia English Dictionary-in a sawi dan chuan, request to speak to, a ti.

UPC NE Pastor, Pa tê tak te, lu var vîk vêk te kha USA-ah te pawh awm tawh a ni a. Ani kha chuan an Missionary Pastor Sap lo kal khan a Chairman reuh va. Sap ho hman kha a lo hre ṭhang tawh bawk a. An hman dan dik tak, 'ask for' a hmang reuh va. Mizo zingah a hmang dik hmasa ber a ni thei mai ang em? ka ti hial a ni.

Billy Grahama tupa-in Vaivakawn field-a thu a rawn sawi khan Chair­man khan 'call upon' a hmang a.

Chapchar Kut 2023 kan hmana thu puangtu hmeichhia pawh khan 'call upon' a hmang a. Hmang hnuhnung ber a ni awm e.

Call upon -

Buh bye

Ask for -

Bon Voyage

- Isaac Zoliana