LOCK DOWN hi a hun leh tawh em?

Kha leh chen kha kan lo in Lockdown tawh a, a tir bera kan in Lock Down te khan Chaltlang Tlangau pawh a lar narawh e. 

Mahse kha tih lai khan Covid 19 kha India  ram a rawn luh a, a ṭai darh kan hlau zek zek lai a nih kha.

Sorkar hian eng ruahmanna nge vawiin Dt 16/8/2020 hian a neih tak? 'Learn  to Live with Covid' min ti ta nge tih lah mipui nawlpui hian kan hre pha si lo. 

Naupang a maha ZMC Quarantine hmun pan tur, Ambu­lance-a a chuangte kha sorkar ruahman  lawkna a ni em? A va na khaih khaih em. 

Kan Health Minis­ter erawh a thawk ṭha thlawt a, Health Department a thawk­tute leh Covid 19 avanga midangte tana buai zawng zawngte kan salute che u.

Kan mithiamte hian, kan mitmei in veng lutuk ta mah mah a, in rilru tak tak in sawi ngam ta  lo a ang ta. Lockdown rawt hi in hreh phah ta zawk em ni? 

A hma zawng pawhin kan in Lock­down a nih kha maw.

Tun hun hi in Lockdown hun a ni ta chiah zawk lawm ni? Hri kai dan hriat loh a kai kan awm ta nual tlat mai. 

Lockdown a ṭul tawh lo e, economy-in a tuar kan ti maw?  Learn to live with Covid te kan ti maw?

Class X pawh pass hawt loin 'It’s My Life' an ti te hi kan ang dawn dawn e a. Mi ram, in veng hneh tawh loten, Live with Covid an ti a nih  kha, India-ah pawh Mizoramte chu kan la fihlimin kan in ven thiam hi. 

Nitin eizawng te hma ngai ni awm takin Lockdown a ṭha lo kan la ti zel maw?

Nitin eizawngte hi LLTF zarah kar hnih pawh lo in Lockdown ta ila, chhuanchham in an awm kher lo ang. Pisa kai leh sum­dawng dawr neite hi chuan mahni in leh kan pisa kaina leh kan dawr neihna bak kan tei vak lo. Nitin eizawngte hi a pu darh tur tam ber an ni thei ve tlat. 

Anni hian lo vei  palh se in enkawlna senso hi an economy de de dei tih sak ho te khan an  tum sak dawn em mi? 

India rama a lo luh hlau-in kan lo in Lockdown tawh a, a rawn lut a. Mah­ni state ṭheuh fim­khur takin kan in Lockdown leh. Tunah a bik takin Aizawl hi puak dur thei reng din  hmuna kan din takah hian, hawh teh u i in Lockdown leh lawk teh ang u. 

Kan in Lockdown zuai hnu a, a kai kan tam dan zir ila, chu mi hnuah chauh chuan 'Learn to live with Covid 19' tih hi i sawi teh ve zawk chauh ang u. Zoram ṭang fan fan.