Inthlana reh tura ka duh point 10

Kumin kum tawpah Mizoram chuan kum nga chhunga roreltu a thlang leh dâwn. He inthlan lo awm turah hian hengte hi awm tawh lo se ka duh:-

1. Party mi leh sâ ram rorelna lam ngaihtuah loa ruaiṭheh leh huau huau ringawt buaipui, patling ve si engmah thawk lova lo phusa ve turh turh mai ang hi bo tawh se.

2. Mihlim leh inlarna hmu thei deuh deuh, Candidate ina kal kual chi, a ṭhen chu châw ei ve nghal chawt chi leh pawisa dil ching ang hi bo tawh se.

3. Inthlan hmanga pawisa Chiahpuam tum hi bo tawh se. Smuggler pawisa ngah mi tam tak hian inthlan dawn hian candidate puih a, chumi zara an chak huna hamṭhatna dawn tum chi hi bo tawh rawh se. Ka hriat chian tak pakhat chuan tuna sorkar hotu zinga mi hi a pui a, chu pa chu a hausak chhan hriat loha hausa uchuak tak a ni a, chu chuan a puih candidate a lo kal hnuah contract hna man tam tham a hmù a, hei hi tuna thil thleng mêk a ni. Hetiang hi bo tawh rawh se.

4. Candidate an puan ruala damlo anga len ching, mahni khaw panna tur dil ching, harsatna tawk thut anga insawia Candidate ina len kual ching hi bo tawh rawh se.

5. Party worker zingah mihring hi lei theiha ngai, pawisa pek chuan mi duh ang anga sàwm luh theih inringa pawisa sem dan ngaihtuah ran rante hi tun inthlanah hi chuan mipuiin i chhinchhiah ang u.

6. Sorkar hnathawk ni si ṭan lam leh ṭan loh lam tilang chhuak nasa chi reng reng hi mi hlauhawm an ni. Hetiang hi bo tawh se.

7. Pastor leh Kohhran Upa; duh fir lehzuala inchhal, Politics hi Setana Pawl nihna anga sawia politician dem ching hi bo tawh se.

8. Pawisa ringawt hmanga vote zawn tum Politician hi bo tawh se.

9. Inthlan dâwn hnaiha source hriat loha pawisa sem tur neih thut kum 2018 (a hre chiang chin chu in chiang hle ang) kha bo tawh se.

10. Sem tak tak theih loh tur pawisa intiamna hi bo tawh rawh se.

- K. Lalhmangaiha